ಆಹಾರ ದಾಸ್ತಾನು: ಶೀಘ್ರವೇ ಸಭೆ

ನವದೆಹಲಿ:  ಆಹಾರ ನಿಗಮದ ಗೋದಾಮುಗಳು ತುಂಬಿತುಳುಕುತ್ತಿರುವುದರಿಂದ ಹೊಸದಾಗಿ ಬರುತ್ತಿರುವ ಆಹಾರಧಾನ್ಯಗಳ ದಾಸ್ತಾನಿಗೆ ಸ್ಥಳಾವಕಾಶದ ಕೊರತೆ ಉಂಟಾಗಿದೆ. ಈ ಹಿನ್ನೆಲೆಯಲ್ಲಿ ಚರ್ಚಿಸಿ ಸಮಸ್ಯೆ ಬಗೆ ಹರಿಸಲು ಪ್ರಧಾನಿ ಕಾರ್ಯಾಲಯದಲ್ಲಿ ಶೀಘ್ರವೇ ಸಭೆ  ಕರೆಯಲು ನಿರ್ಧರಿಸಲಾಗಿದೆ.

ಗೋದಾಮುಗಳಲ್ಲಿ ದಾಸ್ತಾನಿರುವ ಹಳೆಯ ಆಹಾರಧಾನ್ಯಗಳನ್ನುಉದ್ಯೋಗ ಖಾತರಿ ಯೋಜನೆಯ ಫಲಾನುಭವಿಗಳಿಗೆ ವಿತರಿಸಬೇಕು ಎಂದು ಆಹಾರ ಸಚಿವ ಕೆ. ವಿ.ಥಾಮಸ್ ಸಲಹೆ ಮಾಡಿದ್ದಾರೆ.

ಆದರೆ ಗ್ರಾಮೀಣಾಭಿವೃದ್ಧಿ ಸಚಿವ ಜೈರಾಂ ರಮೇಶ್ ಮತ್ತು ಸಾಮಾಜಿಕ ಕಾರ್ಯಕರ್ತರು ಈ ಸಲಹೆಗೆ ವಿರೋಧ ವ್ಯಕ್ತಪಡಿಸಿದ್ದು, ಆಹಾರದಾನ್ಯ ವಿತರಣೆಯಲ್ಲಿ ಭಾರಿ ಪ್ರಮಾಣದ ಭ್ರಷ್ಟಾಚಾರ ನಡೆಯಬಹುದು ಎಂಬ ಆತಂಕ ವ್ಯಕ್ತಪಡಿಸಿದ್ದಾರೆ.