ಉತ್ತರ ಪ್ರದೇಶ: ತಂದೆಯ ಶವವನ್ನು ಸೈಕಲ್‌ರಿಕ್ಷಾದಲ್ಲಿ ಮನೆಗೊಯ್ದ ಮಕ್ಕಳು

ಬಾರಾಬಂಕಿ (ಉತ್ತರ ಪ್ರದೇಶ): ಶವ ಸಾಗಿಸುವ ವಾಹನ ಲಭ್ಯವಿಲ್ಲದ ಕಾರಣ ಮಕ್ಕಳು ತಮ್ಮ ತಂದೆಯ ಶವವನ್ನು ಸೈಕಲ್‌ರಿಕ್ಷಾದಲ್ಲಿ ಹಾಕಿ ಆಸ್ಪತ್ರೆಯಿಂದ ಮನೆಯವರೆಗೂ ತಳ್ಳಿಕೊಂಡು ಹೋದ ಘಟನೆ ಇಲ್ಲಿ ನಡೆದಿದೆ.

‘ಪ್ರತಿಜಿಲ್ಲಾ ಕೇಂದ್ರದಲ್ಲಿ ಶವ ಸಾಗಿಸುವ ಎರಡು ವಾಹನಗಳು ಇರುತ್ತವೆ. ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಈ ವಾಹನಗಳ ಸೌಲಭ್ಯ ಇರುವುದಿಲ್ಲ. ಶವವನ್ನು ಆ್ಯಂಬುಲೆನ್ಸ್‌ನಲ್ಲಿ ತೆಗೆದುಕೊಂಡು ಹೋಗುವಂತಿಲ್ಲ’ ಎಂದು ಈ ಘಟನೆ ಕುರಿತು ಜಿಲ್ಲೆಯ ಮುಖ್ಯ ಆರೋಗ್ಯ ಅಧಿಕಾರಿ ಡಾ.ಆರ್‌.ಚಂದ್ರ ಪ್ರತಿಕ್ರಿಯಿಸಿದ್ದಾರೆ.