ಉತ್ತರ ಭಾರತದಲ್ಲಿ ಮೂರು ದಿನ ಭಾರಿ ಮಳೆ: ಮುನ್ಸೂಚನೆ

ನವದೆಹಲಿ: ಭಾರಿ ಮಳೆ, ಸಿಡಿಲು, ದೂಳಿನ ಬಿರುಗಾಳಿಗೆ ದೆಹಲಿ ಸೇರಿದಂತೆ ಉತ್ತರ ಭಾರತದ ಹಲವು ಪ್ರದೇಶಗಳು ತತ್ತರಿಸಿವೆ. ಮುಂದಿನ 72 ಗಂಟೆಗಳವರೆಗೂ ಇದೇ ವಾತಾವರಣ ಮುಂದುವರೆಯಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ.

ಜಮ್ಮು– ಕಾಶ್ಮೀರ, ಹಿಮಾಚಲ ಪ್ರದೇಶ, ಉತ್ತರಾಖಂಡ, ಪಂಜಾಬ್, ಹರಿಯಾಣ, ಚಂಡಿಗಡ, ದೆಹಲಿ ಸೇರಿ ಹಲವೆಡೆ ತೀವ್ರವಾದ ಗಾಳಿ (50-70 ಕಿ.ಮೀ ವೇಗದಲ್ಲಿ) ಬೀಸಿದೆ. ಮನೆಯ ಗೋಡೆ ಕುಸಿದು ದೆಹಲಿಯ ಸೋಹೆಲ್‌ (18) ಮೃತಪಟ್ಟಿದ್ದಾರೆ.