ಏರ್‌ ಇಂಡಿಯಾ ಸಿಬ್ಬಂದಿ ಪ್ರತಿಭಟನೆ

ಮುಂಬೈ(ಪಿಟಿಐ): ಏರ್‌ ಇಂಡಿಯಾ ವಿಮಾನಯಾನ ಸಂಸ್ಥೆಯು ಇತ್ತೀಚೆಗೆ 17 ಸಿಬ್ಬಂದಿಯನ್ನು ಕೆಲಸದಿಂದ ವಜಾ­ಗೊಳಿಸಿ­ರುವ ಕ್ರಮ ಕಾನೂನು ಬಾಹಿರ ಎಂದು ಆರೋಪಿಸಿ ಭಾರತೀಯ ವಿಮಾನ ಚಾಲಕರ ಸಂಘಟನೆ ಸೋಮವಾರ ಪ್ರತಿಭಟನೆ ನಡೆಸಿದೆ.

ದೇಶದಾದ್ಯಂತ 3,600 ಸದಸ್ಯರನ್ನು ಒಳಗೊಂಡಿರುವ ಎಐಸಿಸಿಎ ಸಂಘಟ­ನೆಯು ಏರ್‌ ಇಂಡಿಯಾ ಸಂಸ್ಥೆ   ಸಿಬ್ಬಂದಿ ವಜಾಗೊಳಿಸಿ­ರುವ  ಕ್ರಮಕ್ಕೆ ವಿರೋಧ ವ್ಯಕ್ತ­ಪಡಿಸಿದ್ದು, ಸಮಸ್ಯೆ­ಯನ್ನು ಸೌಹಾರ್ದಯುತ ಮಾತುಕತೆ  ಮೂಲಕ  ಬಗೆಹರಿಸಿ­ಕೊಳ್ಳಬೇಕು ಎಂದು ಸಲಹೆ ನೀಡಿದೆ.

ಮುಂಬರುವ ದಿನಗಳು ಬೇಸಿಗೆ ರಜೆ ದಿನಗಳಾಗಿರುವುದರಿಂದ ಪ್ರಯಾಣಿಕರ ಸಂಖ್ಯೆ ಹೆಚ್ಚಾಗುವ ಸಾಧ್ಯತೆಯಿದ್ದು, ಸಮಸ್ಯೆ ಮುಂದುವರಿದಲ್ಲಿ ಪ್ರಯಾಣಿ­ಕರಿಗೆ ತೊಂದರೆಯಾಗಲಿದೆ  ಹಾಗಾಗಿ ಆಡಳಿತ ಮಂಡಳಿ ಮಾತುಕತೆ ಮೂಲಕ ಸಮಸ್ಯೆ ಬಗೆಹರಿಸಿಕೊಳ್ಳಲು ಮುಂದಾಗಬೇಕು ಎಂದು ಸಂಘಟನೆ ಒತ್ತಾಯಿಸಿದೆ.