ಕುಟುಂಬಶ್ರೀ ಯೋಜನೆಯತ್ತ ಚಿತ್ತ

ನವದೆಹಲಿ (ಪಿಟಿಐ): ಸ್ವಸಹಾಯ ಸಂಘಗಳ ಮೂಲಕ ಮಹಿಳಾ ಸಬಲೀಕರಣಕ್ಕೆ ಆದ್ಯತೆ ನೀಡುವ ಕೇರಳದ `ಕುಟುಂಬಶ್ರೀ ಯೋಜನೆ~ಯನ್ನು ಅನನ್ಯ ಎಂದು ಬಣ್ಣಿಸಿರುವ ಗ್ರಾಮೀಣಾಭಿವೃದ್ಧಿ ಸಚಿವ ಜೈರಾಮ್ ರಮೇಶ್ ಇದೇ ಮಾದರಿಯನ್ನು ಇತರ ರಾಜ್ಯಗಳಲ್ಲೂ ಪುನರಾವರ್ತಿಸುವ ನಿಟ್ಟಿನಲ್ಲಿ ಸರ್ಕಾರ ಕಾರ್ಯ ನಿರ್ವಹಿಸುತ್ತಿದೆ ಎಂದಿದ್ದಾರೆ.
 
ಕುಟುಂಬಶ್ರೀ ಯೋಜನೆ ಮಹಿಳೆಯರನ್ನು ಗ್ರಾಮ ಸಭೆಗೆ ಕರೆತರುವಲ್ಲಿ ಮುಖ್ಯ ಪಾತ್ರ ವಹಿಸುತ್ತಿದ್ದು, ಬಡವರ ಅವಶ್ಯಕತೆಗಳ ಬಗ್ಗೆ ಸ್ಥಳೀಯ ಮಟ್ಟದ ಸರ್ಕಾರಗಳ ಗಮನ ಸೆಳೆಯುತ್ತಿವೆ. ಪಂಚಾಯತ್ ರಾಜ್ ಯೋಜನೆಗೆ ಸಂಪೂರ್ಣ ಅನುಕೂಲಕರವಾದ ಸ್ವ ಸಹಾಯ ಸಂಘ ಇದಾಗಿದೆ ಎಂದು ಅವರು ವಿಚಾರಗೋಷ್ಠಿಯಲ್ಲಿ ಅಭಿಪ್ರಾಯಪಟ್ಟಿದ್ದಾರೆ.