ಗಂಟಲಲ್ಲಿಳಿದ ಮೀನು: ವ್ಯಕ್ತಿ ಸಾವು

ಕೊಟ್ಟಾಯಂ(ಪಿಟಿಐ):  ಬಾಯಿಯಲ್ಲಿ ಕಚ್ಚಿ ಹಿಡಿದಿದ್ದ ಮೀನೊಂದು ಆಕಸ್ಮಿಕವಾಗಿ ಗಂಟಲಲ್ಲಿ ಇಳಿದು  ವ್ಯಕ್ತಿಯೊಬ್ಬ  ಉಸಿರುಗಟ್ಟಿ ಸಾವಿಗಿಡಾದ ಒಂದು ವಿಚಿತ್ರ ಘಟನೆ  ಬುಧವಾರ  ಇಲ್ಲಿ ನಡೆದಿದೆ ಎಂದು  ಪೋಲಿಸರು  ತಿಳಿಸಿದ್ದಾರೆ.

ಮಂಗಳವಾರ ಇಲ್ಲಿನ ಮಗಳ ಮನೆಗೆ ಬಂದಿದ್ದ ವ್ಯಕ್ತಿಯೊಬ್ಬ  ಸ್ಥಳೀಯರ ಜೊತೆಗೂಡಿ ಮೀನು ಹಿಡಿಯಲು ಹೋದಾಗ ಈ ಘಟನೆ ನಡೆದಿದೆ. 

ಆತ  ಮೀನಿನ ಬೇಟೆಯಾಡುವಾಗ ಹಿಡಿದ ಮೀನುಗಳಲ್ಲೊಂದನ್ನು ಕೈಯಲ್ಲಿ  ಹಿಡಿದಿದ್ದ ಮತ್ತೊಂದು ಮೀನನ್ನು ಹಲ್ಲಿನಲ್ಲಿ ಕಚ್ಚಿ ಹಿಡಿದಿದ್ದ. ಬಾಯಿಯಲ್ಲಿ ಕಚ್ಚಿ ಹಿಡಿದಿದ್ದ  ಮೀನು  ಜಾರಿ ಗಂಟಲಿನಲ್ಲಿ ಸಿಲುಕಿಕೊಂಡಿತು.  ಉಸಿರುಗಟ್ಟಿ ಪ್ರಜ್ಞಾಹೀನನಾಗಿದ್ದ ಆತ ಆಸ್ಪತ್ರೆಗೆ ಸಾಗಿಸುವಾಗ ಮೃತಪಟ್ಟನೆಂದು ಪೊಲೀಸರು ಹೇಳಿದ್ದಾರೆ.