ಜಮ್ಮು ಕಾಶ್ಮೀರದಲ್ಲಿ: ಮೊಬೈಲ್, ಇಂಟರ್‌ನೆಟ್ ಸೇವೆ ಆರಂಭ

ಶ್ರೀನಗರ: ಜಮ್ಮು ಕಾಶ್ಮೀರದಲ್ಲಿ ಭಾನುವಾರ ಸ್ಥಗಿತಗೊಳಿಸಿದ್ದ ಮೊಬೈಲ್ ಇಂಟರ್‌ನೆಟ್ ಸೇವೆಯನ್ನು ಬುಧವಾರ ಮಧ್ಯಾಹ್ನ 12 ಗಂಟೆ ವೇಳೆಗೆ ಪುನರಾರಂಭಿಸಲಾಗಿದೆ.

ಶೋಪಿಯಾನ್ ಜಿಲ್ಲೆಯ ಬಡಿಗಾಂವ್ ಗ್ರಾಮದಲ್ಲಿ ಭಾನುವಾರ ಭದ್ರತಾ ಪಡೆಗಳು ಮತ್ತು ಉಗ್ರಗಾಮಿಗಳ ನಡುವಣ ಗುಂಡಿನ ಕಾಳಗದಲ್ಲಿ ಹಾಗೂ ನಂತರ ನಾಗರಿಕರು ಭದ್ರತಾ ಸಿಬ್ಬಂದಿಯೊಂದಿಗೆ ನಡೆಸಿದ ಘರ್ಷಣೆಯಲ್ಲಿ ತಲಾ ಐವರು ಉಗ್ರಗಾಮಿಗಳು ಮತ್ತು ನಾಗರಿಕರು ಮೃತಪಟ್ಟಿದ್ದರು. ಈ ಘಟನೆಯ ಗಾಯಾಳುಗಳಲ್ಲಿ ಒಬ್ಬ ನಾಗರಿಕ ಮಂಗಳವಾರ ಅಸು ನೀಗಿದ್ದರು.

ಕಾಶ್ಮೀರ ಕಣಿವೆಯಲ್ಲಿ ಭಾನುವಾರ ಸ್ಥಗಿತಗೊಳಿಸಿದ್ದ ರೈಲು ಸಂಚಾರವನ್ನು ಬುಧವಾರ ಪುನರಾರಂಭಿಸಲಾಗಿದೆ.