ಜಮ್ಮು: ತೀವ್ರ ಚಳಿಗಾಳಿ

ಶ್ರೀನಗರ (ಪಿಟಿಐ): ಜಮ್ಮು ಮತ್ತು ಕಾಶ್ಮೀರದಲ್ಲಿ ಶನಿವಾರ ರಾತ್ರಿ ತೀವ್ರ ಚಳಿಗಾಳಿಯಿಂದಾಗಿ ಹೊಸ ವರ್ಷದ ಸಂಭ್ರಮದ ಕಾವು ತಣ್ಣಗಾಯಿತು.

ಲಡಾಕ್ ಪ್ರಾಂತ್ಯದ ಲೇಹ್ ಪಟ್ಟಣದಲ್ಲಿ ಅತ್ಯಂತ ಕಡಿಮೆ ತಾಪಮಾನ -18.8 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿತ್ತು ಎಂದು ಹವಾಮಾನ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ನೆರೆಯ ಕಾರ್ಗಿಲ್ ಪಟ್ಟಣದಲ್ಲಿ ಕನಿಷ್ಠ ತಾಪಮಾನ -16 ಡಿಗ್ರಿ ಸೆಲ್ಸಿಯಸ್, ಶ್ರೀನಗರದಲ್ಲಿ -4.9 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿತ್ತು.