ನಕ್ಸಲ್ ದಾಳಿ: ಸುಕ್ಮಾ ಜಿಲ್ಲಾಧಿಕಾರಿಯ ಅಪಹರಣ, ಅಂಗರಕ್ಷಕರ ಹತ್ಯೆ

ರಾಯಪುರ (ಪಿಟಿಐ): ನಕ್ಸಲೀಯರು ಸುಕ್ಮಾ ಜಿಲ್ಲಾಧಿಕಾರಿ ಅಲೆಕ್ಸ್ ಪಾಲ್ ಮೆನನ್ ಅವರ ಅಂಗರಕ್ಷಕರನ್ನು ಕೊಂದು ಬಳಿಕ ಮೆನನ್ ಅವರನ್ನು ಅಪಹರಿಸಿದ ಘಟನೆ ಶನಿವಾರ ಚತ್ತೀಸ್ ಗಡದ ಬಸ್ತಾರ್ ಪ್ರದೇಶದಲ್ಲಿ ಘಟಿಸಿದೆ.

ಸುಕ್ಮಾ ಜಿಲ್ಲಾಧಿಕಾರಿಯ ವಾಹನವನ್ನು ತಡೆಹಿಡಿದು ನಕ್ಸಲೀಯರು ಈ ಕೃತ್ಯ ಎಸಗಿದ್ದಾರೆ.

ಜಿಲ್ಲೆಯ ಕೇರಳಪಾಲ್ ಪ್ರದೇಶದಲ್ಲಿ ಗ್ರಾಮ್ ಸುರಾಜ್ ಕಾರ್ಯಕ್ರಮದಲ್ಲಿ  ಭಾಗವಹಿಸಿ ಹಿಂದಿರುಗುವಾಗ  ಅವರ ಕಾರನ್ನು ಅಡ್ಡಗಟ್ಟಿ ಅಪಹರಿಸಲಾಗಿದೆ ಎಂದು ಹಿರಿಯ ಪೋಲಿಸ್ ಅಧಿಕಾರಿಯೊಬ್ಬರು ತಿಳಿಸಿದರು. 

ಸುದ್ದಿ ತಿಳಿದೊಡನೆಯೇ ಜಿಲ್ಲಾ ಪೋಲಿಸ್ ವರಿಷ್ಠಾಧಿಕಾರಿ ಅಭಿಷೇಕ್ ಶಾಂಡಿಲ್ಯ  ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು.