ಬೆಂಗಳೂರು: ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ (ಪಿಎನ್ಬಿ) ₹11,344 ಕೋಟಿ ವಂಚಿಸಿದ ಆರೋಪ ಹೊತ್ತಿರುವ ವಜ್ರ ವ್ಯಾಪಾರಿ ನೀರವ್ ಮೋದಿ ಇಂಗ್ಲೆಂಡಿಗೆ ಪಲಾಯನ ಮಾಡಿ, ಅಲ್ಲಿ ರಾಜಕೀಯ ಆಶ್ರಯ ಪಡೆಯಲು ಮುಂದಾಗಿದ್ದಾರೆ. ಈ ವಿಷಯವನ್ನು ನಮ್ಮ ದೇಶ ಆಳಿದ್ದ ಬ್ರಿಟಿಷರ ಕಾಲಾವಧಿಗೆ ಸಮೀಕರಿಸಿ, #NiravModi ಹ್ಯಾಷ್ಟ್ಯಾಗ್ ಬಳಸಿಕೊಂಡು ಟ್ವಿಟ್ಟರಿಗರು ತಮ್ಮ ಆಕ್ರೋಶ, ಹತಾಶೆಗಳನ್ನು ವ್ಯಂಗ್ಯರೂಪದಲ್ಲಿ ಹೊರಹಾಕುತ್ತಿದ್ದಾರೆ. ಅವುಗಳಲ್ಲಿ ಕೆಲವು ಇಲ್ಲಿವೆ.
‘ಅವರು ಭಾರತಕ್ಕೆ ಬಂದು ನಮ್ಮನ್ನು ಲೂಟಿ ಮಾಡಿದರು. ಅವರನ್ನು ಹಿಮ್ಮೆಟ್ಟಿಸಲು ನಾವು 200 ವರ್ಷಗಳನ್ನು ತೆಗೆದುಕೊಂಡೆವು. ಈಗ ನಮ್ಮ ಭಾರತೀಯರೇ ನಮ್ಮನ್ನು ಲೂಟಿ ಮಾಡುತ್ತಿದ್ದಾರೆ. ಲೂಟಿಕೋರರಿಗೆ ರಾಜಕೀಯ ಆಶ್ರಯದ ರೂಪದಲ್ಲಿ ಇಂಗ್ಲೆಂಡ್ ತಲೆಹಾಕುತ್ತಿದೆ. ವಸಾಹತಿಕರಣ ಎಂಬುದು ಕಾಗದ ಮೇಲೆ ಮಾತ್ರ ನಿಂತಿದೆ. ಆದರೆ, ಇಂಗ್ಲೆಂಡ್ ನಮ್ಮನ್ನು ಇಂದಿಗೂ ಆಳುತ್ತಿದೆ’ ಎಂಬ ಟ್ವಿಟ್ ರಘುರಾಂ ರಾಜನ್ ಎಂಬ ಟ್ವಿಟರ್ ಖಾತೆಯಲ್ಲಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.