ಫೇಸ್‌ಬುಕ್‌ನಲ್ಲಿ ಅಬ್ದುಲ್ ಕಲಾಂ

ನವದೆಹಲಿ (ಪಿಟಿಐ): ಮಾಜಿ ರಾಷ್ಟ್ರಪತಿ ಅಬ್ದುಲ್ ಕಲಾಂ ಅವರು ಇನ್ನು ಮುಂದೆ ಸಾಮಾಜಿಕ ಜಾಲ ತಾಣ ಫೇಸ್‌ಬುಕ್‌ನಲ್ಲಿ ತಮ್ಮ ವಿಚಾರಗಳನ್ನು ಹಂಚಿಕೊಳ್ಳಲಿದ್ದಾರೆ.ದೇಶದ ಅಭಿವೃದ್ಧಿಗೆ ಸಂಬಂಧಪಟ್ಟ ವಿಷಯಗಳನ್ನು ಅವರು ಇಲ್ಲಿ ಚರ್ಚಿಸಲಿದ್ದಾರೆ. ಅಲ್ಲದೇ ವಿವಿಧ ವರ್ಗಗಳ ಜನರೊಂದಿಗೆ ಸಂವಾದ ನಡೆಸಲಿದ್ದಾರೆ.

ಈಗಾಗಲೇ ಯು ಟ್ಯೂಬ್‌ನಲ್ಲಿ ಕಾಣಿಸಿಕೊಂಡಿರುವ ಕಲಾಂ , ಇನ್ನು ಮುಂದೆ ಫೇಸ್‌ಬುಕ್‌ನಲ್ಲಿ ನಿರಂತರವಾಗಿ ಬರೆಯುತ್ತಾರೆ. ತಮ್ಮ ಮೊದಲ ಅನಿಸಿಕೆಯಾಗಿ ಅವರು ಪುದುಚೇರಿಯ ಮೇಡಂ ಮೆಡ್ಲೀನ್ ಡಿ ಬ್ಲಿಕ್ ಅವರ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.`ಮೆಡ್ಲೀನ್ ಅವರಲ್ಲಿ ನಾನು ಮದರ್ ತೆರೇಸಾ ಅವರ ಸೇವಾ ಮನೋಭಾವನೆಯನ್ನು ಕಂಡಿದ್ದೇನೆ. ಎಂದು ಕಲಾಂ ಬರೆದಿದ್ದಾರೆ.

ಕಲಾಂ ಫೇಸ್‌ಬುಕ್ ವಿಳಾಸ: www.facebook.com/kalambillionbeats