ಮಕ್ಕಳ ಶೋಧನೆ

ನವದೆಹಲಿ (ಪಿಟಿಐ): ನಗರದ ಶಾಲೆಯೊಂದರ ಇಬ್ಬರು ವಿದ್ಯಾರ್ಥಿಗಳು ಹೊಸ ಕ್ಷುದ್ರಗ್ರಹವೊಂದನ್ನು ಪತ್ತೆಹಚ್ಚಿದ್ದಾರೆ. ಅಂತರರಾಷ್ಟ್ರೀಯ ಬಾಹ್ಯಾಕಾಶ ಸಮುದಾಯವು ಈ ಸಾಧನೆಯನ್ನು ದೃಢಪಡಿಸಿದೆ ಎಂದು ಸ್ವಯಂ ಸೇವಾ ಸಂಸ್ಥೆಯೊಂದು ಶನಿವಾರ ಹೇಳಿದೆ.

ಅಖಿಲ ಭಾರತ ಕ್ಷುದ್ರಗ್ರಹ ಶೋಧನಾ ಅಭಿಯಾನದ ಭಾಗವಾಗಿ ದಕ್ಷಿಣ ದೆಹಲಿಯ ಅಮಿಟಿ ಇಂಟರ್‌ನ್ಯಾಷನಲ್ ಸ್ಕೂಲ್‌ನ ಶೌರ್ಯ ಛಾಂಬಿಯಲ್ ಮತ್ತು ಗೌರವ್ ಪಾಟಿ ಹೊಸ ಕ್ಷುದ್ರಗ್ರಹವನ್ನು ಪತ್ತೆ ಮಾಡಿದ್ದಾರೆ. 

`ಈ ಸಂಶೋಧನೆಯನ್ನು ಅಂತರರಾಷ್ಟ್ರೀಯ ಅಂತರಿಕ್ಷ ಸಮುದಾಯ ದೃಢಪಡಿಸಿದೆ. ತಾತ್ಕಾಲಿಕವಾಗಿ ಈ ಆಕಾಶಕಾಯಕ್ಕೆ 2013 ಎಲ್‌ಎಸ್28 ಎಂದು ಹೆಸರಿಡಲಾಗಿದೆ' ಎಂದು ಅಭಿಯಾನವನ್ನು ಆಯೋಜಿಸಿದ್ದ `ಸ್ಪೇಸ್' ಸ್ವಯಂ ಸೇವಾ ಸಂಸ್ಥೆ ಹೇಳಿದೆ.