ಮಾಜಿ ಸಿ.ಜೆ ಸಂಬಂಧಿಗಳ ಬಳಿ ಕಪ್ಪುಹಣ ಪತ್ತೆ

ಕೊಚ್ಚಿ (ಪಿಟಿಐ): ಸುಪ್ರೀಂಕೋರ್ಟ್‌ನ ನಿವೃತ್ತ ಮುಖ್ಯ ನ್ಯಾಯಮೂರ್ತಿ ಕೆ.ಜಿ.ಬಾಲಕೃಷ್ಣನ್ ಅವರ ಮೂವರು ನಿಕಟ ಸಂಬಂಧಿಗಳ ಬಳಿ ಕಪ್ಪುಹಣ ಪತ್ತೆಯಾಗಿದೆ ಎಂದು ಆದಾಯ ತೆರಿಗೆ ಇಲಾಖೆಯ ಉನ್ನತ ಮೂಲಗಳು ತಿಳಿಸಿವೆ.

‘ತೆರಿಗೆ ವಂಚನೆ ಪ್ರಕರಣಗಳ ತನಿಖೆ ನಡೆಸಿದಾಗ ಬಾಲಕೃಷ್ಣನ್ ಅವರ ಇಬ್ಬರು ಅಳಿಯಂದಿರಾದ ಪಿ.ವಿ. ಶ್ರೀನಿಜನ್, ಎಂ.ಜೆ.ಬೆನ್ನಿ (ಇಬ್ಬರೂ  ವಕೀಲರು) ಮತ್ತು ಸಹೋದರ ಕೆ.ಜಿ.ಭಾಸ್ಕರನ್ ಅವರು ಕಪ್ಪುಹಣ ಹೊಂದಿರುವುದು ಬೆಳಕಿಗೆ ಬಂದಿತು’ ಎಂದು ಕೊಚ್ಚಿಯ ಆದಾಯ ತೆರಿಗೆ ಮಹಾ ನಿರ್ದೇಶಕ (ತನಿಖೆ) ಇ.ಟಿ. ಲುಕೋಸ್ ವರದಿಗಾರರಿಗೆ ತಿಳಿಸಿದರು.

ಈ ಮೂವರ ಬಳಿ ಕಪ್ಪುಹಣ ಹೇಗೆ ಬಂತು ಎಂಬುದರ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದಿರುವ ಅವರು, ಹಣದ ಮೊತ್ತ ಎಷ್ಟೆಂಬುದನ್ನು ತಿಳಿಸಿಲ್ಲ.