ಮುಂಬೈ ದಾಳಿ: ಪಾಕ್‌ಗೆ ದಾಖಲೆ ರವಾನೆ

ನವದೆಹಲಿ (ಪಿಟಿಐ): ಕಳೆದ ತಿಂಗಳು ಪಾಕಿಸ್ತಾನದ ನ್ಯಾಯಾಂಗ ಆಯೋಗವು ಭಾರತಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ನಾಲ್ವರು ಸಾಕ್ಷಿಗಳು ಡೃಢಪಡಿಸಿರುವ ಅಂಶಗಳನ್ನು ಒಳಗೊಂಡ ಸಮಗ್ರ ದಾಖಲೆಗಳನ್ನು ಶೀಘ್ರದಲ್ಲಿಯೇ ಪಾಕಿಸ್ತಾನಕ್ಕೆ ಕಳುಹಿಸಲಾಗುತ್ತಿದೆ.

ಸುಮಾರು 700 ಪುಟಗಳ ಈ ದಾಖಲೆಯು ಕಸಾಬ್‌ನ ಹೇಳಿಕೆ, ದಾಳಿ ಸಂದರ್ಭದಲ್ಲಿ ಹತ್ಯೆಗೊಳಗಾದ ಭಯೋತ್ಪಾದಕರ ಮರಣೋತ್ತರ ಪರೀಕ್ಷಾ ವರದಿ ಮತ್ತು ಪ್ರಕರಣದ ಡೈರಿ ಮೊದಲಾದವುಗಳನ್ನು ಒಳಗೊಂಡಿದೆ.