ಯುಪಿಎಸ್‌ಸಿ: ವಯೋಮಿತಿ ಕಡಿತಕ್ಕೆ ಬಸ್ವಾನ್‌ ಸಮಿತಿ ಶಿಫಾರಸು

ನವದೆಹಲಿ (ಏಜೆನ್ಸೀಸ್‌): ಕೇಂದ್ರ ಲೋಕಸೇವಾ ಆಯೋಗ (ಯುಪಿಎಸ್‌ಸಿ) ನಡೆಸುವ ನಾಗರಿಕ ಸೇವಾ ಪರೀಕ್ಷೆಗಳ ಅಭ್ಯರ್ಥಿಗಳ ವಯೋಮಿತಿ ಕಡಿತಗೊಳಿಸುವ ಬಗ್ಗೆ ಬಿ.ಎಸ್‌. ಬಸ್ವಾನ್‌ ನೇತೃತ್ವದ ತಜ್ಞರ ಸಮಿತಿ ಕೇಂದ್ರ ಸರ್ಕಾರಕ್ಕೆ ವರದಿ ಸಲ್ಲಿಸಿದೆ.

ಯುಪಿಎಸ್‌ಸಿಗೆ ಮಂಗಳವಾರ ವರದಿ ಸಲ್ಲಿಸಲಾಗಿದೆ. ಆಯೋಗ ಮೊದಲು ಈ ವರದಿಯನ್ನು ಪರಿಶೀಲಿಸಲಿದೆ. ಆಯೋಗದ ತಜ್ಞರ ಅಭಿಪ್ರಾಯ ಪಡೆದು ಬಳಿಕ ಕೇಂದ್ರ ಸರ್ಕಾರ ಅಂತಿಮ ನಿರ್ಧಾರ ಪ್ರಕಟಿಸಲಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಕೇಂದ್ರ ನಾಗರಿಕ ಸೇವಾ ಪರೀಕ್ಷೆಗಳ ಅಭ್ಯರ್ಥಿಗಳ ವಯೋಮಿತಿ ಕಡಿತದ ವಿಚಾರ ಹಲವು ವರ್ಷಗಳಿಂದ ನನೆಗುದಿಗೆ ಬಿದ್ದಿದೆ.