ವಿದ್ಯುತ್ ಉತ್ಪಾದನೆಗೆ: ಕೂಡುಂಕುಳಂ ಅಣು ಸ್ಥಾವರ ಸಜ್ಜು

ನವದೆಹಲಿ (ಪಿಟಿಐ):  ಪ್ರತಿಭಟನೆ, ಮುಷ್ಕರ ಮುಂತಾದ ಕಾರಣಗಳಿಂದ ಉತ್ಪಾದನೆ ಆರಂಭ ವಿಳಂಬವಾಗಿದ್ದ ಕೂಡುಂಕುಳಂನ ದೇಶದ ಅತಿ ದೊಡ್ಡ ಅಣು ವಿದ್ಯುತ್ ಸ್ಥಾವರವು ವಿದ್ಯುತ್ ಉತ್ಪಾದನೆಗೆ ಸಜ್ಜಾಗಿದೆ.

ನಿಯಮಗಳ ಅಳವಡಿಕೆಯ ಅಂತಿಮ ತಪಾಸಣೆ ನಡೆಯುತ್ತಿದ್ದು ಉತ್ಪಾದನೆ ಆರಂಭಿಸಲು ಸಂಪೂರ್ಣ ಸಜ್ಜಾಗಿದೆ ಎಂದು ಭಾರತೀಯ ಅಣು ವಿದ್ಯುತ್ ನಿಗಮದ ನೂತನ ಅಧ್ಯಕ್ಷ ಕೈಲಾಸ್‌ಚಂದ್ರ ಪುರೋಹಿತ್ ತಿಳಿಸಿದ್ದಾರೆ.

ಮೂರು ಹಂತದ ಪರಿಶೀಲನಾ ಕಾರ್ಯ ಮುಗಿದ ಮೇಲೆ ಅಣು ನಿಯಂತ್ರಣ ಮಂಡಲಿ ವಿದ್ಯುತ್ ಉತ್ಪಾದನೆಗೆ ಅಧಿಕೃತ ಅನುಮತಿ ನೀಡುತ್ತದೆ.