ಹೆಣ್ಣು ಮಗುವಿಗೆ ಜನ್ಮ ನೀಡಿದ ಮಹಿಳೆಗೆ ಮನಸೋ ಇಚ್ಛೆ ಥಳಿತ: ವಿಡಿಯೊ ವೈರಲ್‌

ಪಾಟಿಯಾಲ: ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ ಎಂಬ ಕಾರಣಕ್ಕೆ ಮನೆಯವರೇ ಮನಸೋ ಇ‌ಚ್ಛೆ ಥಳಿಸಿರುವ ಘಟನೆ ಪಂಜಾಬ್‌ನ ಪಾಟಿಯಾಲ ಜಿಲ್ಲೆಯಲ್ಲಿ ಶನಿವಾರ ನಡೆದಿದೆ.

ಪಾಟಿಯಾಲ ನಿವಾಸಿಯಾಗಿರುವ ಮೀನಾ ಕಶ್ಯಪ್‌ ಹಲ್ಲೆಗೆ ಒಳಗಾದ ಮಹಿಳೆಯಾಗಿದ್ದು, ವರ್ಷದ ಹಿಂದಷ್ಟೇ ದಲ್ಜಿತ್‌ ಸಿಂಗ್‌ ಅವರನ್ನು ವಿವಾಹವಾಗಿದ್ದರು.

ಇತ್ತೀಚಿಗೆ ಮೀನಾ ಕಶ್ಯಪ್‌ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರು. ಹೆಣ್ಣು ಮಗು ಜನಿಸಿದ್ದು ಗಂಡನ ಮನೆಯವರಿಗೆ ಇಷ್ಟವಿರಲಿಲ್ಲ. ಜತೆಗೆ, ಮೀನಾ ಅವರನ್ನು ಮನೆಗೆ ಸೇರಿಸದೆ ನಿರಾಕರಿಸಿದ್ದರು. ಬಳಿಕ ಗಂಡ ಹೆಂಡತಿ ಪ್ರತ್ಯೇಕ ಮನೆಯಲ್ಲಿ ವಾಸವಿದ್ದರು.