‘ಆಧುನಿಕ ವಾಸ್ತುಶಿಲ್ಪಿ’ ಚಾರ್ಲ್ಸ್‌ ಕೊರಿಯಾ ಇನ್ನಿಲ್ಲ

ಮುಂಬೈ (ಪಿಟಿಐ): ಭಾರತದ ‘ಆಧುನಿಕ ವಾಸ್ತುಶಿಲ್ಪಿ’ ಎಂದು ಹೆಸರಾಗಿದ್ದ ಚಾರ್ಲ್ಸ್‌ ಕೊರಿಯಾ (84) ಮಂಗಳವಾರ ರಾತ್ರಿ ನಿಧನರಾಗಿದ್ದಾರೆ.

ಸ್ವಾತಂತ್ರ್ಯಾನಂತರದ ಭಾರತದಲ್ಲಿ ನಿರ್ಮಾಣಗೊಂಡ ಪ್ರಮುಖ ಕಟ್ಟಡ ಹಾಗೂ ಯೋಜನೆಗಳ ನೀಲನಕ್ಷೆ ತಯಾರಿಸಿದ ಹೆಗ್ಗಳಿಕೆ ಚಾರ್ಲ್ಸ್‌ ಅವರದ್ದಾಗಿತ್ತು.

ಅಹ್ಮದಾಬಾದ್‌ನ ಮಹಾತ್ಮ ಗಾಂಧಿ ಸ್ಮಾರಕ, ಮಧ್ಯಪ್ರದೇಶದ ವಿಧಾನಸಭಾ ಕಟ್ಟಡ ಸೇರಿದಂತೆ ಹಲವು ಪ್ರಮುಖ ಯೋಜನೆಗಳಿಗೆ ಚಾರ್ಲ್ಸ್‌ ವಾಸ್ತುಶಿಲ್ಪಿಯಾಗಿದ್ದರು.