44 ಸ್ಫೋಟಕ ನಿಷ್ಕ್ರಿಯಗೊಳಿಸಿದ ಪೊಲೀಸರು
Published 23 ಜೂನ್ 2013, 19:59 IST
ರಾಂಚಿ (ಐಎಎನ್ಎಸ್): ಜಾರ್ಖಂಡ್ನಲ್ಲಿ ಭಾನುವಾರದಂದು ಸ್ಫೋಟಗೊಳ್ಳುವಂತೆ ನಕ್ಸಲರು ನೆಲದಡಿಯಲ್ಲಿ ಹೂತಿಟ್ಟಿದ್ದ ಸುಧಾರಿತ ಸ್ಫೋಟಕ ಸಾಧನಗಳನ್ನು ಪೊಲೀಸರು ಮತ್ತು ಸಿಆರ್ಪಿಎಫ್ ಯೋಧರು ನಿಷ್ಕ್ರಿಯಗೊಳಿಸಿದ್ದಾರೆ.
ಮಾವೊವಾದಿಗಳು 44 ಸುಧಾರಿತ ಸ್ಫೋಟಕ ಸಾಧನಗಳನ್ನು ಬಳಸಿ ಬುಕಾರೊ ಜಿಲ್ಲೆಯ ಜುಮ್ರಾ ಬೆಟ್ಟದ ಸಮೀಪದ ಪುರ್ನಾಪಾಣಿ ಗ್ರಾಮದಲ್ಲಿ ಸ್ಫೋಟಕ್ಕೆ ಸಂಚು ರೂಪಿಸಿದ್ದರು. ಈ ಎಲ್ಲಾ ಸ್ಫೋಟಕಗಳನ್ನು ಪೊಲೀಸರು ವಶಪಡಿಸಿಕೊಂಡು, ನಿಷ್ಕ್ರಿಯಗೊಳಿಸಿದ್ದಾರೆ.
ರಕ್ಷಣಾ ವಾಹನಗಳನ್ನು ಗುರಿಯಾಗಿಟ್ಟುಕೊಂಡೇ ಸ್ಫೋಟಕ ಸಾಧನಗಳನ್ನು 150 ಮೀಟರ್ ಉದ್ದದಲ್ಲಿ ಭೂಮಿಯ ಒಳಗೆ ಹುದುಗಿಸಲಾಗಿತ್ತು.
ಮಾವೊವಾದಿಗಳ ಬಂಧನ: ಮಾವೊವಾದಿಗಳ ವಿಭಾಗೀಯ ಕಮಾಂಡರ್ ಮತ್ತು ಆತನ ಸಹಚರನನ್ನು ಪೊಲೀಸರು ಭಾನುವಾರ ಬಂಧಿಸಿದ್ದು, ಅವರ ಬಳಿಯಿದ್ದ ಸ್ಫೋಟಕ ವಶಪಡಿಸಿಕೊಂಡಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.