ಕಾಶ್ಮೀರ ಸ್ಥಳೀಯ ಸಂಸ್ಥೆ ಚುನಾವಣೆ: ಕನಿಷ್ಠ ಮತದಾನ

ಶ್ರೀನಗರ: ಕಾಶ್ಮೀರದಲ್ಲಿ ನಡೆದ ನಗರ ಸ್ಥಳೀಯ ಚುನಾವಣೆಯಲ್ಲಿ ಕನಿಷ್ಠ ಮತದಾನ ದಾಖಲಾಗಿದ್ದು, ಶೇಕಡ 70ರಷ್ಟು ವಾರ್ಡ್‌ಗಳಲ್ಲಿ ಮತದಾನವೇ ನಡೆದಿಲ್ಲ.

ಜಮ್ಮ ಕಾಶ್ಮೀರ ಚುನಾವಣಾ ಆಯೋಗದ ಪ್ರಕಾರ 598 ವಾರ್ಡ್‌ಗಳಲ್ಲಿ ಕೇವಲ 186 ವಾರ್ಡ್‌ಗಳಲ್ಲಿ ಮಾತ್ರ ಮತದಾನ ನಡೆದಿದೆ. ಉಳಿದ 412 ಕ್ಷೇತ್ರಗಳಿಗೆ (68.89%) ಮತದಾನದ ನಡೆದಿಲ್ಲ.

ಮತಗಟ್ಟೆಗಳಲ್ಲಿ ಭದ್ರತೆಯನ್ನು ಸರ್ಕಾರ ಒದಗಿಸಿದೆ. ಭದ್ರತಾ ದೃಷ್ಟಿಯಿಂದ ಕಣದಲ್ಲಿರುವ ಅಭ್ಯರ್ಥಿಗಳ ಹೆಸರನ್ನು ಬಹಿರಂಗ ಪಡಿಸಿಲ್ಲ. ಹಾಗಾಗಿ, ಚುನಾವಣಾ ಪ್ರಚಾರವೇ ಇಲ್ಲದೆ ಹಲವು ಅಭ್ಯರ್ಥಿಗಳು ಜನರಿಗೆ ಅನಾಮಧೇಯರಾಗಿ ಉಳಿದಿದ್ದಾರೆ.

231 ವಾರ್ಡ್‌ಗಳಲ್ಲಿ ಒಬ್ಬರೇ ಅಭ್ಯರ್ಥಿ ಇದ್ದು, ಪ್ರತಿಸ್ಪರ್ಧಿಯೇ ಇಲ್ಲದೇ ಅವಿರೋಧ ಆಯ್ಕೆಯಾಗಿದ್ದಾರೆ.

ಉಗ್ರರ ದಾಳಿ ಭೀತಿಯಿಂದ ಮತದಾನ ಮಾಡಲು ಹಾಗೂ ಚುನಾವಣೆಯಲ್ಲಿ ಸ್ಪಂದಿಸಲು ಯಾರೂ ಮುಂದೆ ಬಾರದ ಕಾರಣ ಮತದಾನ ಕಡಿಮೆಯಾಗಿದೆ.