ಬೆಂಕಿ ನಂದಿಸಲು ಹೋರಾಟ; ಆಗ್ನಿಶಾಮಕ ದಳದ 6 ಮಂದಿ ಸಾವು

ಕೇಪ್‌ಟೌನ್‌ (ದಕ್ಷಿಣ ಆಫ್ರಿಕಾ): ದಕ್ಷಿಣ ಆಫ್ರಿಕಾದ ಕ್ವಾಜುಲು– ನಾಟಲ್‌ ಪ್ರಾಂತ್ಯದಲ್ಲಿ ಕಾಡಿನಲ್ಲಿ ಕಾಣಿಸಿಕೊಂಡ ಬೆಂಕಿಯನ್ನು ನಂದಿಸಲು ಮುಂದಾಗುತ್ತಿದ್ದ ವೇಳೆ ಆಗ್ನಿಶಾಮಕ ದಳದ ಆರು ಸಿಬ್ಬಂದಿ ಮೃತಪಟ್ಟಿದ್ದು, ಇಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಇಲ್ಲಿನ ತುರ್ತುಸೇವೆಗಳ ವಿಭಾಗವು ಸೋಮವಾರ ತಿಳಿಸಿದೆ.

ಬೇಟೆಗಾರರು ಪ್ರಾಣಿಗಳನ್ನು ಬೇಟೆಯಾಡಲು ಉದ್ದೇಶಪೂರ್ವಕವಾಗಿ ಕಾಡಿಗೆ ಬೆಂಕಿ ಹಚ್ಚಿರುವ ಅನುಮಾನವಿದೆ ಎಂದು ಅಧಿಕಾರಿಗಳು ಶಂಕೆ ವ್ಯಕ್ತಪಡಿಸಿದ್ದಾರೆ.

ಪೂರ್ವ ಕರಾವಳಿ ತೀರದ ಡರ್ಬನ್‌ ನಗರದಿಂದ 130 ಕಿ.ಮೀ ದೂರದ ಬಾಸ್ಟನ್‌ ಪಟ್ಟಣದ ಸಮೀಪವೇ ಕಾಣಿಸಿಕೊಂಡ ಬೆಂಕಿಯಲ್ಲಿ ಸಿಲುಕಿ ಮೂವರು ಸಾವನ್ನಪ್ಪಿದ್ದರು. ಮತ್ತೆ ಮೂವರನ್ನು ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಿದರೂ ಬದುಕುಳಿಯಲಿಲ್ಲ’ ಎಂದು ತುರ್ತುಸೇವೆ ವಿಭಾಗದ ವಕ್ತಾರ ರೊಲ್ಯಾಂಡ್‌ ರಾಬರ್ಟ್‌ಸನ್‌ ತಿಳಿಸಿದರು.