Covid 19 India Update| ದೇಶದಲ್ಲಿ ಕೋವಿಡ್‌ ಪ್ರಕರಣಗಳ ಅಲ್ಪ ಏರಿಕೆ: 733 ಸಾವು

ದೆಹಲಿ: ಬ್ರಿಟನ್‌, ರಷ್ಯಾ ಸೇರಿದಂತೆ ಜಗತ್ತಿನ ಹಲವು ಕಡೆಗಳಲ್ಲಿ ಕೋವಿಡ್‌ನ ಮೂರನೇ ಅಲೆ ಮುನ್ಸೂಚನೆ ದೊರೆತಿರುವ ನಡುವೆಯೇ ಭಾರತದಲ್ಲಿ ಗುರುವಾರ ಸೋಂಕು ಪ್ರಕರಣಗಳಲ್ಲಿ ದಿಢೀರ್‌ ಏರಿಕೆ ಕಂಡಿದೆ.

ಬುಧವಾರ 13,451 ಪ್ರಕರಣಗಳು, 585 ಸಾವುಗಳು ಸಂಭವಿಸಿದ್ದವು. ಆದರೆ, ಒಂದೇ ದಿನದ ಅಂತರದಲ್ಲಿ ಗುರುವಾರ 16,156 ಹೊಸ ಪ್ರಕರಣಗಳು ವರದಿ ಯಾಗಿವೆ. 733 ಸಾವುಗಳು ಸಂಭವಿಸಿವೆ.

ಇಂದು ವರದಿಯಾದ ಪ್ರಕರಣಗಳು ಸೇರಿ ಭಾರತದ ಒಟ್ಟಾರೆ ಸೋಂಕಿತರ ಸಂಖ್ಯೆ 3,42,31,809ಕ್ಕೆ ಏರಿದೆ. ಇನ್ನು ಸಾವಿನ ಸಂಖ್ಯೆ 4,56,386ಕ್ಕೆ ತಲುಪಿದೆ.

ಸದ್ಯ ದೇಶದಲ್ಲಿ 1,60,989 ಸಕ್ರಿಯ ಪ್ರಕರಣಗಳಿವೆ.