‘ಪಾಕ್‌ ಮೂಲದ ಮತ್ತೊಂದು ಡ್ರೋನ್‌ ವಶ’
ಅಮೃತಸರ: ಇಲ್ಲಿನ ಭಾರತ–ಪಾಕಿಸ್ತಾನ ಗಡಿ ಭಾಗದಲ್ಲಿ ಪಾಕಿಸ್ತಾನದ ಇನ್ನೊಂದು ಡ್ರೋನ್‌ ಕಂಡುಬಂದಿದ್ದು, ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ‘ಕಳೆದ ಮೂರು ದಿನಗಳಲ್ಲಿ ವಶಪಡಿಸಿಕೊಂಡ ಎರಡನೇ ಡ್ರೋನ್‌ ಇದಾಗಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.
ಗಡಿ ಗ್ರಾಮದಲ್ಲಿ ಇದು ಕಂಡುಬಂದಿದ್ದು, ಪಾಕಿಸ್ತಾನ ಡ್ರೋನ್‌ ಬಳಸಿ ಶಸ್ತ್ರಾಸ್ತ್ರ ಮತ್ತು ಸ್ಫೋಟಕಗಳನ್ನು ಹಾಕುತ್ತಿದೆ ಎಂದು ತಿಳಿಸಿದರು. ಇದಕ್ಕೂ ಮೊದಲು ಪೊಲೀಸರು ಟರ್ನ್‌ ಟರನ್‌ ಬಳಿ ಭಾಗಶಃ ಸುಟ್ಟಿದ್ದ ಮಾನವರಹಿತ ಯಂತ್ರ ಜಪ್ತಿ ಮಾಡಿದ್ದರು.
ಪಾಕಿಸ್ತಾನದ ಈ ಕ್ರಮ ಪಂಜಾಬ್ ಮತ್ತು ಆಸುಪಾಸಿನ ಇತರೆ ರಾಜ್ಯಗಳಲ್ಲಿ ಪೊಲೀಸರ ಕಾರ್ಯಭಾರ ಹೆಚ್ಚಿಸಿದೆ. ಸದ್ಯ, ಡ್ರೋನ್‌ ಅನ್ನು ಮಹಾವಾ ಗ್ರಾಮದಲ್ಲಿ ವಶಕ್ಕೆ ಪಡೆದಿದ್ದು, ಈ ಸಂಬಂಧ ಖಲಿಸ್ತಾನ್‌ ಜಿಂದಾಬಾದ್ ಪಡೆ (ಕೆಝಡ್‌ಎಫ್‌)ನ ನಾಲ್ವರು ಸದಸ್ಯರನ್ನೂ ಪೊಲೀಸರು ಬಂಧಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.