₹3 ಕೋಟಿ ಮೌಲ್ಯದ ಮೆಥಂಫೆಟಮೈನ್‌ ವಶ

ಐಜ್ವಾಲ್‌ : ಅಸ್ಸಾಂ ರೈಫಲ್ಸ್‌ನ ಸಿಬ್ಬಂದಿ ಮಿಜೋರಾಂನ ಚಂಫಾಯಿ ಜಿಲ್ಲೆಯಲ್ಲಿ ಮ್ಯಾನ್ಮಾರ್‌ ದೇಶದ ಪ್ರಜೆಯನ್ನು ಬಂಧಿಸಿ, ಆತನಿಂದ ₹3 ಕೋಟಿ ಮೌಲ್ಯದ ಮೆಥಂಫೆಟಮೈನ್‌ ಗುಳಿಗೆಗಳನ್ನು ಗುರುವಾರ ವಶಪಡಿಸಿಕೊಂಡಿದ್ದಾರೆ.

ಮ್ಯಾನ್ಮಾರ್‌ಗೆ ಹತ್ತಿರವಿರುವ ಜೊಟ್‌ ಹಳ್ಳಿಯಲ್ಲಿ ಬುಧವಾರ ಶೋಧ ಕಾರ್ಯಾಚರಣೆಯ ನಂತರ 1.11 ಕೆ,ಜಿ ಮೆಥಂಫೆಟಮೈನ್‌ ವಶ ಪಡಿಸಿಕೊಳ್ಳಲಾಯಿತು. ಮೆಥಂಫೆಟಮೈನ್‌ ಅನ್ನು ಚಾಂಪೈನಲ್ಲಿರುವ ಮಾಧಕ ವಸ್ತು ನಿಯಂತ್ರಣ ಇಲಾಖೆಯ ವಶಕ್ಕೆ ಒಪ್ಪಿಸಲಾಗಿದೆ.