ಫೋನಿ ಅಬ್ಬರ: ರೈಲ್ವೆ ಆಸ್ಪತ್ರೆಯಲ್ಲಿ ಹುಟ್ಟಿದ ಮಗುವಿಗೆ ಚಂಡಮಾರುತದ ಹೆಸರು

ಭುವನೇಶ್ವರ: ಒಡಿಶಾದಲ್ಲಿ ಫೋನಿ ಚಂಡಮಾರುತದ ಅಬ್ಬರ ಜೋರಾಗಿದ್ದು, ಇಲ್ಲಿನ ರೈಲ್ವೆ ಆಸ್ಪತ್ರೆಯಲ್ಲಿ ಶುಕ್ರವಾರ ಹುಟ್ಟಿದ ಹೆಣ್ಣು ಮಗುವಿಗೆ ‘ಫೋನಿ’ ಎಂದುಹೆಸರಿಡಲಾಗಿದೆ.

ರಾಜ್ಯದಲ್ಲಿ ‘ಫೋನಿ’ಯಿಂದಾಗಿ ಅಪಾರ ಹಾನಿ ಸಂಭವಿಸಿದ್ದು, ರಕ್ಷಣಾ ಕಾರ್ಯಾಚರಣೆ ಭರದಿಂದ ಸಾಗಿದೆ. ಇದೇ ದಿನ ಜನಿಸಿದ ಕಾರಣ ಮಗುವಿಗೆ ಅದರ(ಚಂಡಮಾರುತದ) ಹೆಸರನ್ನು ಇಡಲಾಗಿದೆ.

ಮಗುವಿನ ತಾಯಿರೈಲ್ವೆ ಇಲಾಖೆ ಸಿಬ್ಬಂದಿಯಾಗಿದ್ದು, ಇಲ್ಲಿನ ಮಂಚೇಶ್ವರ್‌ನಲ್ಲಿರುವ ಕೋಚ್‌ ದುರಸ್ತಿ ಕೇಂದ್ರದಲ್ಲಿ ಸಹಾಯಕಿಯಾಗಿ ಕೆಲಸಮಾಡುತ್ತಿದ್ದಾರೆ. ಬೆಳಗ್ಗೆ 11.03 ಗಂಟೆ ವೇಳೆಗೆ ಹೆರಿಗೆಯಾಗಿದ್ದು, ತಾಯಿ ಹಾಗೂ ಮಗು ಆರೋಗ್ಯವಾಗಿದ್ದಾರೆ ಎಂದು ವೈದ್ಯರು ತಿಳಿಸಿದ್ದಾರೆ.