ರಾಷ್ಟ್ರಪತಿ ಮುರ್ಮು ಆತ್ಮಚರಿತ್ರೆ ಈ ವರ್ಷ ಬಿಡುಗಡೆ

ನವದೆಹಲಿ: ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರ ಆತ್ಮಚರಿತ್ರೆಯು ಈ ವರ್ಷ ಬಿಡುಗಡೆಯಾಗಲಿದೆ ಎಂದು ಪೆಂಗ್ವಿನ್‌ ರ‍್ಯಾಂಡಮ್‌ ಹೌಸ್‌ ಇಂಡಿಯಾ (ಪಿಆರ್‌ಎಚ್‌ಐ) ಮಂಗಳವಾರ ಘೋಷಿಸಿದೆ.

‘ಮೇಡಂ ಪ್ರೆಸಿಡೆಂಟ್‌: ಎ ಬಯೊಗ್ರಫಿ ಆಫ್‌ ದ್ರೌಪದಿ ಮುರ್ಮು’ ಪುಸ್ತಕವು ದೇಶದ ಅತ್ಯುನ್ನತ ಹುದ್ದೆಗೇರಿದ ಮುರ್ಮು ಅವರ ಆರಂಭಿಕ ಜೀವನ, ಹೋರಾಟ, ನೋವನ್ನು ಒಳಗೊಂಡ ಜೀವನಗಾಥೆಯನ್ನು ಹೊಂದಿರಲಿದೆ.

ಪುಸ್ತಕವನ್ನು ಭುವನೇಶ್ವರ ಮೂಲದ ಹಿರಿಯ ಪತ್ರಕರ್ತ ಸಂದೀಪ್‌ ಸಾಹು ಅವರು ಬರೆದಿದ್ದಾರೆ’ ಎಂದು ಅದು ತಿಳಿಸಿದೆ.