ಚಂದ್ರಯಾನ 2 ಉಡ್ಡಯನ: 2.43ಕ್ಕೆ ನಭಕ್ಕೆ ಚಿಮ್ಮಿತು ’ಬಾಹುಬಲಿ’

ಚೆನ್ನೈ:ಚಂದ್ರಯಾನ–2ರ ನೌಕೆಯನ್ನು ಹೊತ್ತು ನಭಕ್ಕೆ ಚಿಮ್ಮಲಿರುವ ರಾಕೆಟ್ ‘ಬಾಹುಬಲಿ’ ಮಧ್ಯಾಹ್ನ 2.43ಕ್ಕೆ ಯಶಸ್ವಿಯಾಗಿ ಉಡಾವಣೆಯಾಗಿದೆಎಂದುಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ(ಇಸ್ರೊ) ತಿಳಿಸಿದೆ.

3.06 – ಬಹುನಿರೀಕ್ಷಿತ ಚಂದ್ರಯಾನ 2 ಉಡಾವಣೆಯನ್ನು ಕಾದು ನೋಡುತ್ತಿದ್ದ ಜನರು ಬಾಹುಬಲಿ ನಭಕ್ಕೆ ಚಿಮ್ಮಿದಾಕ್ಷಣ ಸಂಭ್ರಮಾಚರಣೆ ಮಾಡಿದರು.

2.45 –ಶ್ರೀಹರಿಕೋಟಾದ ಸತೀಶ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಚಂದ್ರಯಾನ–2ರ ನೌಕೆಗಳನ್ನು ಹೊತ್ತ ಜಿಎಸ್‌ಎಲ್‌ವಿ ಮಾರ್ಕ್‌–2 ರಾಕೆಟ್ ನಭಕ್ಕೆ ಜಿಗಿಯಿತು. ಲೈವ್ ವಿಡಿಯೊ ಇಲ್ಲಿ ನೋಡಿ...

2.35– ಇಸ್ರೋದ ಮಹತ್ವಾಕಾಂಕ್ಷೆಯಚಂದ್ರಯಾನ-2 ಯೋಜನೆಯ ಭಾಗವಾಗಿರುವ ಆರ್ಬಿಟರ್‌, ಲ್ಯಾಂಡರ್‌, ರೋವರ್‌ಗಳು ಉಡಾವಣೆಗೆ ಸಜ್ಜಾಗಿವೆ.ಭೂಸ್ಥಿರ ಉಡಾವಣಾ ವಾಹಕವು ಈ ಸಾಧನಗಳನ್ನುಹೊತ್ತು ನಭಕ್ಕೆ ನೆಗೆಯಲಿದೆ. ಸೆಪ್ಟೆಂಬರ್‌ ವೇಳೆಗೆ ಆರ್ಬಿಟರ್‌ ಚಂದ್ರನ ಆವರಣ ತಲುಪಲಿದೆ.

ಇದನ್ನೂ ಓದಿ: ಚಂದ್ರಯಾನ 2 ಸಮಗ್ರ ಮಾಹಿತಿ– ಚಂದ್ರನೂರಿಗೆ ಮತ್ತೊಂದು ಯಾತ್ರೆ

2.30 – ಬಾಹುಬಲಿ ಯಾನಕ್ಕೆ ಶರುವಾಗಿದೆ ಕ್ಷಣಗಣನೆ

2.10– ಜಿಎಸ್‌ಎಲ್‌ವಿಎಂಕೆ3 ಕ್ರಯೋಜನಿಕ್‌ ಎಂಜಿನ್‌ಗೆ ಹೈಡ್ರೋಜನ್‌ ಇಂಧನ ಭರ್ತಿ ಮಾಡುವ ಕೆಲಸ ಪೂರ್ಣಗೊಂಡಿದೆ.