ಆರು ತಿಂಗಳಲ್ಲಿ ದೇಶದಾದ್ಯಂತ 2,300 ಮಕ್ಕಳ ರಕ್ಷಣೆ: NCPCR

ಇಟಾನಗರ: ಕಳೆದ ಆರು ತಿಂಗಳಲ್ಲಿ ದೇಶದಾದ್ಯಂತ ಸುಮಾರು 26,000 ಪ್ರಕರಣಗಳನ್ನು ವಿಲೇವಾರಿ ಮಾಡಿ 2,300 ಕ್ಕೂ ಹೆಚ್ಚು ಮಕ್ಕಳನ್ನು ರಕ್ಷಿಸಲಾಗಿದೆ ಎಂದು ರಾಷ್ಟ್ರೀಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗ (NCPCR) ಹೇಳಿದೆ.

ಮಕ್ಕಳ ಹಕ್ಕುಗಳ ಉಲ್ಲಂಘನೆ ಪ್ರಕರಣಗಳು ಕೇವಲ ಅಂಕಿಅಂಶಗಳಲ್ಲ, ಪ್ರತಿಯೊಂದು ಪ್ರಕರಣವೂ ಒಂದು ಮಗು ಮತ್ತು ಒಂದು ಕುಟುಂಬದ ಕಥೆಯನ್ನು ಪ್ರತಿನಿಧಿಸುತ್ತದೆ ಎಂದು ಬಾಲ ನ್ಯಾಯ, ಪೋಕ್ಸೊ ಮತ್ತು ಎನ್‌ಸಿಪಿಸಿಆರ್‌ನ ವಿಶೇಷ ಕೋಶಗಳ ವಿಭಾಗದ ಮುಖ್ಯಸ್ಥ ಪರೇಶ್ ಶಾ ಹೇಳಿದ್ದಾರೆ.

ರಕ್ಷಿಸಿದ ಮಕ್ಕಳ ಪೈಕಿ 1 ಸಾವಿರಕ್ಕೂ ಹೆಚ್ಚು ಮಕ್ಕಳನ್ನು ಅವರ ತವರು ಜಿಲ್ಲೆಗೆ ವಾಪಸ್‌ ಕಳಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.

ಸರ್ಕಾರದ, ಮಕ್ಕಳ ಹಕ್ಕುಗಳ ಬದ್ಧತೆಗಳನ್ನು ಅರಿತುಕೊಳ್ಳುವ ಜವಾಬ್ದಾರಿ ಅಧಿಕಾರಿಗಳು, ಶಾಲಾ ಅಧಿಕಾರಿಗಳಿಂದ ಹಿಡಿದು ಕಾನೂನು ಜಾರಿ ಮಾಡುವವರ ಮತ್ತು ನಾಗರಿಕ ಸಮಾಜದವರೆಗೆ ಎಲ್ಲರ ಮೇಲಿದೆ ಎಂದು ಶಾ ಹೇಳಿದ್ದಾರೆ.