ಪಂಜಾಬ್‌: ಗರೀಬ್‌ ರಥ ರೈಲಿನಲ್ಲಿ ಬೆಂಕಿ; ಯಾವುದೇ ಅನಾಹುತ ಇಲ್ಲ

ಫತೇಗಢ್ ಸಾಹಿಬ್: ಗರೀಬ್‌ ರಥ ಎಕ್ಸ್‌ಪ್ರೆಸ್ ರೈಲಿನ ಒಂದು ಬೋಗಿಯಲ್ಲಿ ಶನಿವಾರ ಬೆಳಿಗ್ಗೆ ಬೆಂಕಿ ಕಾಣಿಸಿಕೊಂಡಿದ್ದು ಯಾವುದೇ ಅನಾಹುತ ಸಂಭವಿಸಿಲ್ಲ ಎಂದು ರೈಲ್ವೆ ಪೋಲಿಸರು ತಿಳಿಸಿದ್ದಾರೆ. 

ರೈಲು ಅಮೃತಸರದಿಂದ ಸಹಸ್ರಾಗೆ ತೆರಳುತ್ತಿತ್ತು. ಸಿರಹಿಂದ್ ರೈಲು ನಿಲ್ದಾಣದಲ್ಲಿ ಈ ಘಟನೆ ನಡೆದಿದೆ ಎಂದು ಅವರು ಹೇಳಿದ್ದಾರೆ.

ಬೆಳಿಗ್ಗೆ 7.30ರ ಸುಮಾರಿಗೆ ಎಸಿ ಬೋಗಿಯೊಂದರಲ್ಲಿ ಬೆಂಕಿ ಕಾಣಿಸಿಕೊಂಡ ಕೂಡಲೇ ಪ್ರಯಾಣಿಕರನ್ನು ಕೆಳಗೆ ಇಳಿಸಿ ಸ್ಥಳೀಯ ಸಿಬ್ಬಂದಿ ನೆರವಿನೊಂದಿಗೆ ಬೆಂಕಿ ನಂದಿಸಲಾಯಿತು. ಈ ಘಟನೆದಲ್ಲಿ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ರೈಲು ಒಂದು ಗಂಟೆ ಬಳಿಕ ಸಹಸ್ರಾ ಕಡೆ ತೆರಳಿತು.