ಕೊರೊನಾ| ಕೇರಳದಲ್ಲಿ ಯುವತಿ ಸ್ಥಿತಿ ಸ್ಥಿರ: ಶಂಕಿತ 20 ಮಂದಿ ಆಸ್ಪತ್ರೆಗೆ ದಾಖಲು

ಕೇರಳ: ಚೀನಾದಿಂದ ವಾಪಸಾದ ಕೊರೊನಾ ವೈರಸ್ ಅಂಟಿದ ರೋಗಿ ಸ್ಥಿತಿ ಸ್ಥಿರವಾಗಿದ್ದು, ಚಿಕಿತ್ಸೆಗೆ ಸ್ಪಂದಿಸುತ್ತಿದ್ದಾರೆ ಎಂದು ಕೇರಳ ಸರ್ಕಾರ ತಿಳಿಸಿದೆ.

ಚೀನಾದ ನಗರ ಒಂದರಲ್ಲಿ ನೆಲೆಸಿದ್ದ ಯುವತಿ ಕಳೆದ ವಾರವಷ್ಟೆ ಕೇರಳಕ್ಕೆ ವಾಪಸಾಗಿದ್ದರು. ನಂತರ ರಕ್ತ ಪರೀಕ್ಷೆ ನಡೆಸಿದಾಗ ಕೊರೊನಾ ಸೋಂಕು ತಗುಲಿರುವುದು ಖಚಿತಪಟ್ಟಿತ್ತು.ಈಕೆಗೆ ತ್ರಿಸೂರ್ ಮೆಡಿಕಲ್ ಕಾಲೇಜಿನಲ್ಲಿ ಚಿಕಿತ್ಸೆ ನಡೆಯುತ್ತಿದೆ.

ಕೇರಳದಲ್ಲಿಇದುವರೆಗೆ ಕೊರೊನಾ ವೈರಸ್ ಶಂಕಿತ 20 ಮಂದಿಯನ್ನು ವಿವಿಧ ಆಸ್ಪತ್ರೆಗಳಲ್ಲಿ ದಾಖಲಿಸಲಾಗಿದೆ. ಹೆಚ್ಚಿನ ಚಿಕಿತ್ಸೆ ನಡೆಯುತ್ತಿದ್ದು, 30 ಬಗೆಯ ವಿವಿಧ ರಕ್ತದ ಮಾದರಿಗಳನ್ನು ಸಂಗ್ರಹಿಸಿ ಪರೀಕ್ಷೆಗೆಕಳುಹಿಸಿಕೊಡಲಾಗಿದೆ. ವರದಿ ಬಂದ ನಂತರ ಮುಂದಿನ ಚಿಕಿತ್ಸೆ ಬಗ್ಗೆ ನಿರ್ಧರಿಸಲಾಗುವುದು ಎಂದು ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಇದನ್ನೂ ಓದಿ:ಕೇರಳಕ್ಕೆ ಅಡಿಯಿಟ್ಟ ಕೊರೊನಾ ವೈರಸ್