ಜೂನ್-ಸೆಪ್ಟೆಂಬರ್ ಅವಧಿಯಲ್ಲಿ ದೇಶದಲ್ಲಿ ಸಾಧಾರಣ ಮಳೆ: ಐಎಂಡಿ

ನವದೆಹಲಿ: ಈ ವರ್ಷದ ನಾಲ್ಕು ತಿಂಗಳ (ಜೂನ್-ಸೆಪ್ಟೆಂಬರ್) ಮಳೆಗಾಲದಲ್ಲಿ ದೇಶದಲ್ಲಿ ಸಾಧಾರಣ ಪ್ರಮಾಣದ ಮಳೆಯಾಗಿದೆ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಮಾಹಿತಿ ನೀಡಿದೆ.

ʼಪರಿಮಾಣಾತ್ಮಕವಾಗಿಹೇಳುವುದಾದರೆ2021ರ ಜೂನ್‌1ರಿಂದ ಸೆಪ್ಟೆಂಬರ್‌30ರವರೆಗಿನ ಮಳೆಗಾಲದಲ್ಲಿ87 ಸೆಂಟಿ ಮೀಟರ್‌ ಮಳೆಯಾಗಿದೆ. 1961-2010ರ ದೀರ್ಘಾವಧಿಯ ವಾರ್ಷಿಕ ಸರಾಸರಿ ಮಳೆ ಪ್ರಮಾಣ88 ಸೆಂಟಿ ಮೀಟರ್‌ ಆಗಿದೆʼ ಎಂದು ಐಎಂಡಿ ನಿರ್ದೇಶಕ ಎಂ.ಮಹಾಪಾತ್ರ ತಿಳಿಸಿದ್ದಾರೆ.

ಜೂನ್‌-ಸೆಪ್ಟೆಂಬರ್‌ ಅವಧಿಯಲ್ಲಿನೈರುತ್ಯ ಮಾನ್ಸೂನ್‌ ಮಳೆಯು ಸಾಧಾರಣ ಮಟ್ಟದಲ್ಲಿ ಸುರಿದಿದೆ. ಇದರೊಂದಿಗೆ ಸತತ ಮೂರನೇ ವರ್ಷಸಾಧಾರಣ ಹಾಗೂ ಅದಕ್ಕಿಂತ ಹೆಚ್ಚಿನ ಪ್ರಮಾಣದಲ್ಲಿ ಮಳೆಯಾದಂತಾಗಿದೆ.2019 ಮತ್ತು 2020ರಲ್ಲಿ ಸಾಧಾರಣಕ್ಕಿಂತ ಹೆಚ್ಚಿನ ಪ್ರಮಾಣದಲ್ಲಿ ಮಳೆಯಾಗಿತ್ತು ಎಂದೂ ಹೇಳಿದ್ದಾರೆ.