ಹೈದರಾಬಾದ್‌: ಸಿಪಿಐ ಮುಖಂಡನ ಹತ್ಯೆ

ಹೈದರಾಬಾದ್‌: ನಗರದ ಮಲಕಪೇಟದಲ್ಲಿ ತೆಲಂಗಾಣದ ಸಿಪಿಐ ಮುಖಂಡರೊಬ್ಬರನ್ನು ಅಪರಿಚಿತ ವ್ಯಕ್ತಿಗಳು ಗುಂಡು ಹಾರಿಸಿ ಮಂಗಳವಾರ ಬೆಳಿಗ್ಗೆ ಹತ್ಯೆ ಮಾಡಿದ್ದಾರೆ.

ಸಿಪಿಐನ ರಾಜ್ಯ ಮಂಡಳಿ ಸದಸ್ಯ ಕೆ. ಚಂದು ನಾಯ್ಕ್ (47) ಮೃತ ವ್ಯಕ್ತಿ.

ಮುಂಜಾವಿನ ವಾಯುವಿಹಾರ ನಡೆಸುತ್ತಿದ್ದ ಚಂದು ನಾಯ್ಕ್‌ ಮೇಲೆ ಕಾರಿನಲ್ಲಿ ಬಂದ ಅಪರಿಚಿತರು ಗುಂಡು ಹಾರಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಆರೋಪಿಗಳು ಸ್ಥಳದಿಂದ ಪರಾರಿಯಾಗಿದ್ದಾರೆ.