ಎನ್‌ಸಿಪಿ ಸೇರಿದ ಪಿ.ಸಿ.ಚಾಕೊ

ನವದೆಹಲಿ: ಕಳೆದ ವಾರ ಕಾಂಗ್ರೆಸ್ ತೊರೆದಿದ್ದ ಹಿರಿಯ ಮುಖಂಡ ಪಿ.ಸಿ.ಚಾಕೊ ಅವರು ಶರದ್ ಪವಾರ್ ಸಮ್ಮುಖದಲ್ಲಿ ಮಂಗಳವಾರ ಎನ್‌ಸಿಪಿ ಸೇರಿದರು. ಎನ್‌ಸಿಪಿ ಸೇರ್ಪಡೆಯಿಂದ ತಮ್ಮ ಮನೆಗೆ ಮರಳಿದಂತಾಗಿದೆ ಎಂದು ಚಾಕೊ ಹೇಳಿದ್ದಾರೆ.

ದೇಶಕ್ಕೆ ಪ್ರಬಲವಾದ ಪ್ರತಿಪಕ್ಷದ ಅಗತ್ಯವಿದ್ದು, ಕಾಂಗ್ರೆಸ್‌ ಆ ದಿಸೆಯಲ್ಲಿ ಪ್ರಯತ್ನಿಸುವ ಲಕ್ಷಣಗಳು ತಮಗೆ ಕಂಡುಬರಲಿಲ್ಲ ಎಂದು ಚಾಕೊ ಹೇಳಿದ್ದಾರೆ.

ಎನ್‌ಸಿಪಿ ಸೇರ್ಪಡೆಗೂ ಮುನ್ನ ಸಿಪಿಎಂ ಮುಖಂಡ ಸೀತಾರಾಂ ಯೆಚೂರಿ ಅವರನ್ನು ಭೇಟಿ ಮಾಡಿದ ಚಾಕೊ, ಕೇರಳ ವಿಧಾನಸಭಾ ಚುನಾವಣೆಯಲ್ಲಿ ಎಲ್‌ಡಿಎಫ್ ಅಭ್ಯರ್ಥಿಗಳ ಪರವಾಗಿ ಪ್ರಚಾರ ನಡೆಸುವ ಭರವಸೆ ನೀಡಿದರು.