ಚೀನಾ ಕಂಪನಿಗಳಿಂದ ಸೈಬರ್‌ ದಾಳಿ ಸಾಧ್ಯತೆ: ಸುರಕ್ಷತೆ ಹೆಚ್ಚಿಸಲು ಸೂಚನೆ

ನವದೆಹಲಿ: ಚೀನಾ ಮೂಲದ ಕಂಪನಿಗಳಿಂದ ಸೈಬರ್‌ ದಾಳಿ ನಡೆಸುವ ಸಾಧ್ಯತೆ ಇದೆ ಎಂದು ದೂರಸಂಪರ್ಕ ಇಲಾಖೆ ಎಚ್ಚರಿಸಿದೆ. ಹೀಗಾಗಿ ತಮ್ಮ ವೆಬ್‌ಸೈಟ್‌ ಹಾಗೂ ವೆಬ್‌ಪೋರ್ಟಲ್‌ಗಳ ಸುರಕ್ಷತೆಯನ್ನು ಹೆಚ್ಚಿಸುವಂತೆ ತನ್ನ ಅಧೀನದ ಎಲ್ಲ ಇಲಾಖೆಗಳಿಗೆ ಸೂಚನೆ ನೀಡಿದೆ.

ತಾನು ನೀಡಿದ ಸೂಚನೆಯನ್ವಯ ಕೈಗೊಂಡ ಸುರಕ್ಷತಾ ಕ್ರಮಗಳ ಕುರಿತು ವರದಿ ಸಲ್ಲಿಸುವಂತೆಯೂ ಇಲಾಖೆ ಸೂಚನೆ ನೀಡಿದೆ.

ಆಗಸ್ಟ 31ರ ಒಳಗಾಗಿ ಎಲ್ಲ ವೆಬ್‌ಸೈಟ್‌ ಹಾಗೂ ಪೋರ್ಟಲ್‌ಗಳನ್ನು ‘ಜಿಒವಿ.ಐಎನ್’‌ ಡೊಮೇನ್‌ಗೆ ಬದಲಾಯಿಸುವಂತೆಇತರ ಸಚಿವಾಲಯಗಳು ಹಾಗೂ ಇಲಾಖೆಗಳಿಗೆ ಸೂಚನೆ ನೀಡಿದೆ.