ರಾಜಸ್ಥಾನದಲ್ಲಿ ಪ್ರವಾಹ, ಐದು ಬಲಿ

ಜೈಪುರ: ರಾಜಸ್ಥಾನದ ಹಾಡೌತೀ ಪ್ರಾಂತದಲ್ಲಿ ಗುರುವಾರದಿಂದ ಭಾರಿ ಮಳೆಯಾಗುತ್ತಿದೆ. ರಾಜ್ಯದಲ್ಲಿ ಮಳೆ ಸಂಬಂಧಿ ಅವಘಡಗಳಲ್ಲಿ 5 ಜನರು ಮೃತಪಟ್ಟಿದ್ದಾರೆ.

ಹಾಡೌತೀ ಪ್ರಾಂತದಲ್ಲಿ ಪ್ರವಾಹದ ಸ್ಥಿತಿ ತಲೆದೋರಿದೆ. ಈ ಪ್ರಾಂತದ ವ್ಯಾಪ್ತಿಯಲ್ಲಿರುವಜೋಧಪುರ, ನಾಗೌರ್ ಮತ್ತು ಪಾಲಿ ಜಿಲ್ಲೆಗಳಲ್ಲಿ ಶನಿವಾರ ಸಂಜೆವರೆಗೆ ‘ರೆಡ್‌ ಅಲರ್ಟ್’ ಘೋಷಿಸಲಾಗಿದೆ. ಯಾವುದೇ ಪರಿಸ್ಥಿತಿಯನ್ನು ಎದುರಿಸಲು ಸನ್ನಧವಾಗಿರುವಂತೆ ಸೇನೆಗೆ ಸೂಚನೆ ನೀಡಲಾಗಿದೆ.

ಕೋಟಾ, ಬರಾನ್, ಬಿಲ್ವಾರಾ ಮತ್ತು ಬುಂದಿ ಜಿಲ್ಲೆಗಳಲ್ಲಿ ಗುರುವಾರದಿಂದ ಶುಕ್ರವಾರ ಸಂಜೆವರೆಗೆ 160 ಮಿಲಿಮೀಟರ್ ಮಳೆಯಾಗಿದೆ.