ಐ.ಎಸ್‌ ಸಂಪರ್ಕ: ಕೇರಳ ಯುವಕನ ಬಂಧನ
ತಿರುವನಂತಪುರ:ಐ.ಎಸ್‌ ಸಂಪರ್ಕ ಹೊಂದಿದ ಆರೋಪದ ಮೇಲೆ ಕೇರಳದ ಕೊಲ್ಲಂನ ಕರುನಾಗಪಳ್ಳಿಯ ಮುಹಮ್ಮದ್‌ ಫೈಜಲ್‌ ಹಮೀದ್‌ ಕಂಜು ಎಂಬಾತನನ್ನು ರಾಷ್ಟ್ರೀಯ ತನಿಖಾ ದಳ (ಎನ್‌ಐಎ) ಬಂಧಿಸಿದೆ.
ಕೇರಳದಿಂದ ಐ.ಎಸ್‌ ಸಂಘಟನೆಗೆ ಸೇರ್ಪಡೆಯಾಗಿರುವ ಯುವಕರ ಪ್ರಕರಣಕ್ಕೆ ಸಂಬಂಧಿಸಿದ ಆರೋಪ ಪಟ್ಟಿಯಲ್ಲಿ ಎನ್‌ಐಎಈ ಮೊದಲು ಮುಹಮ್ಮದ್‌ನ ಹೆಸರನ್ನು ಸೇರಿಸಿತ್ತು.
ಕತಾರ್‌ನಲ್ಲಿ ಈತ ಉಗ್ರರ ದಾಳಿ ಪ್ರಚೋದಿಸುವಂತಹ ಮತ್ತು ಐ.ಎಸ್‌. ಪರವಾದ ಸಂದೇಶಗಳನ್ನು ಪ್ರಚಾರ ಮಾಡುತ್ತಿದ್ದ ಎನ್ನಲಾಗಿದೆ. ವಿಚಾರಣೆಗೆ ಹಾಜರಾಗಲು ಈತನಿಗೆ ನೋಟಿಸ್‌ ನೀಡಲಾಗಿತ್ತು.
ಕತಾರ್‌ನಿಂದ ಈತ ಕೊಚ್ಚಿಯ ನೆಡುಂಬಾಶ್ಶೇರಿ ವಿಮಾನನಿಲ್ದಾಣಕ್ಕೆ ಬಂದಿಳಿಯುತ್ತಿದ್ದಂತೆಯೇ ಬಂಧಿಸಿ ವಿಚಾರಣೆಗೆ ಒಳಪಡಿಸಲಾಯಿತು.
ಐ.ಎಸ್‌. ಸಂಪರ್ಕದ ಆರೋಪದಲ್ಲಿ ಇತ್ತೀಚೆಗೆ ಬಂಧಿಸಲಾಗಿರುವ ಪಾಲಕ್ಕಾಡ್‌ ಮೂಲದ ರಿಯಾಸ್‌ ಅಬೂಬಕ್ಕರ್‌ನನ್ನು ಕೂಡ ತನಿಖಾದಳದ ಉನ್ನತ ಅಧಿಕಾರಿಗಳ ತಂಡ ವಿಚಾರಣೆಗೆ ಒಳಪಡಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.