60 ವರ್ಷಗಳಿಂದ ಚೀನಾ ಆಕ್ರಮಿತ ಪ್ರದೇಶದಲ್ಲಿ ಸೇತುವೆ ನಿರ್ಮಾಣ: ಭಾರತ

ನವದೆಹಲಿ: ಪೂರ್ವ ಲಡಾಖ್ ಬಳಿ ಪಾಂಗ್ಯಾಂಗ್‌ ಸರೋವರಕ್ಕೆ ಅಡ್ಡಲಾಗಿ ಚೀನಾ ನಿರ್ಮಿಸಿರುವ ಸೇತುವೆ, ಕಳೆದ 60 ವರ್ಷಗಳಿಂದಲೂ ಚೀನಾ ಆಕ್ರಮಿಸಿಕೊಂಡಿರುವ ಪ್ರದೇಶದಲ್ಲಿದೆ ಎಂದು ಭಾರತ ಗುರುವಾರ ಹೇಳಿದೆ.

ಸುದ್ದಿಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿದ ವಿದೇಶಾಂಗ ಸಚಿವಾಲಯದ ವಕ್ತಾರ ಅರಿಂದಮ್ ಬಾಗ್ಚಿ ‘ಚೀನಾದ ಇಂಥ ಕೃತ್ಯಗಳನ್ನು ಭಾರತ ಎಂದಿಗೂ ಒಪ್ಪಿಲ್ಲ’ ಎಂದರು.

ಅರುಣಾಚಲ ಪ್ರದೇಶದ ಕೆಲ ಪ್ರದೇಶಗಳ ಹೆಸರುಗಳನ್ನು ಬದಲಾಯಿಸಿದ ಚೀನಾದ ಕ್ರಮವನ್ನು ಖಂಡಿಸಿದ ಅವರು, ‘ಇಂಥ ಅತಿರೇಕದ ಕೃತ್ಯಗಳನ್ನು ಚೀನಾ ಬಿಡಬೇಕು. ಭಾರತದೊಂದಿಗೆ ರಚನಾತ್ಮಕ ಮಾತುಕತೆ ನಡೆಸಿ, ಪೂರ್ವ ಲಡಾಖ್‌ನಲ್ಲಿನ ಸಂಘರ್ಷವನ್ನು ಶಮನ ಮಾಡಲು ಮುಂದಾಗಬೇಕು’ ಎಂದರು.