ಕೇರಳದ ಹಣಕಾಸು ಸಚಿವ ಡಾ. ಥಾಮಸ್ ಐಸಾಕ್‌ಗೆ ಕೋವಿಡ್-19 ದೃಢ

ತಿರುವನಂತಪುರಂ: ದೇಶದಲ್ಲಿ ದಿನೇ ದಿನೆ ಕೋವಿಡ್-19 ಪ್ರಕರಣಗಳ ಸಂಖ್ಯೆ ಜಾಸ್ತಿಯಾಗುತ್ತಿರುವ ಬೆನ್ನಲ್ಲೇ ಕೇರಳದ ಹಣಕಾಸು ಸಚಿವ ಡಾ. ಥಾಮಸ್ ಐಸಾಕ್‌ಗೆ ಕೊರೊನಾ ವೈರಸ್ ಸೋಂಕು ತಗುಲಿರುವುದು ದೃಢಪಟ್ಟಿದೆ.

ಇಂದು ಸಂಜೆ ನಡೆಸಿದ ಆ್ಯಂಡಿಜೆನ್ ಪರೀಕ್ಷೆಯಲ್ಲಿ ಐಸಾಕ್‌ ಅವರಿಗೆ ಸೋಂಕು ತಗುಲಿರುವುದು ಪತ್ತೆಯಾಗಿದೆ.

ಕೇರಳದ ಸಚಿವ ಸಂಪುಟದಲ್ಲಿ ಕೋವಿಡ್ ತಗುಲಿದ ಮೊದಲ ಸಚಿವರಾಗಿದ್ದು, ಅವರ ಕಚೇರಿಯ ಸಿಬ್ಬಂದಿಗೆ ನಡೆಸಿದ ಆ್ಯಂಡಿಜೆನ್ ಪರೀಕ್ಷೆಯಲ್ಲಿ ನೆಗೆಟಿವ್ ಬಂದಿದೆ.

ಇದನ್ನೂ ಓದಿ:ಕಾಂಗ್ರೆಸ್ ನಾಯಕ ದೀಪೇಂದರ್ ಸಿಂಗ್ ಹೂಡಾಗೆ ಕೋವಿಡ್-19 ಸೋಂಕು ದೃಢ

ತಮ್ಮೊಂದಿಗೆ ನೇರ ಸಂಪರ್ಕದಲ್ಲಿದ್ದವರೆಲ್ಲರೂ ಕೂಡಲೇ ಕ್ವಾರಂಟೈನ್ ಆಗುವಂತೆ ಮತ್ತೆ ಪರೀಕ್ಷೆ ಮಾಡಿಸಿಕೊಳ್ಳುವಂತೆ ತಿಳಿಸಲಾಗಿದೆ.

ಅವರ ಕಚೇರಿಯನ್ನು ನಾಳೆ ಸ್ವಚ್ಛಗೊಳಿಸಲಿದ್ದು, ಸೋಂಕುರಹಿತವಾಗಿಸಲಿದ್ದಾರೆ.