ಸಾಕು ನಾಯಿಯನ್ನು ಕಾರಿಗೆ ಕಟ್ಟಿ ರಸ್ತೆಯಲ್ಲಿ ಎಳೆದಾಡಿದ ವ್ಯಕ್ತಿಯ ಬಂಧನ

ಕೊಚ್ಚಿ (ಕೇರಳ): ಅತ್ಯಂತ ಕ್ರೂರ ಕೃತ್ಯವೊಂದರಲ್ಲಿ, ಸಾಕು ನಾಯಿಯನ್ನು ಕಾರಿಗೆ ಕಟ್ಟಿ ಹಾಕಿ ರಸ್ತೆಯಲ್ಲಿ ಎಳೆದಾಡಿದ ವ್ಯಕ್ತಿಯೊಬ್ಬನನ್ನುಕೇರಳದಲ್ಲಿ ಬಂಧಿಸಲಾಗಿದೆ.

ರಸ್ತೆಯಲ್ಲಿ ಸಂಚರಿಸುತ್ತಿದ್ದ ಬೈಕ್ ಸವಾರನೊಬ್ಬ ಇದನ್ನು ಪ್ರತಿಭಟಿಸಿದ ಬಳಿಕ ಆಪಾದಿತ ವ್ಯಕ್ತಿ ಕೌರ್ಯ ಕೃತ್ಯವನ್ನು ಕೊನೆಗೊಳಿಸಿದರು.

ಪ್ರಸ್ತುತ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದು, ಪ್ರಾಣಿ ದಯಾಪರ ಸೇರಿದಂತೆ ಸಾಮಾಜಿಕ ವಲಯಗಳಿಂದ ವ್ಯಾಪಕ ಪ್ರತಿಭಟನೆ ವ್ಯಕ್ತವಾಗುತ್ತಿದೆ. ಸಾಕು ನಾಯಿಯ ಮೇಲೆ ಕರುಣೆಯಿಲ್ಲದೆ ಇಂತಹ ನಿರ್ದಯ ಕೃತ್ಯ ಎಸಗಿರುವ ವ್ಯಕ್ತಿಯನ್ನು ಬಂಧಿಸಿರುವ ಪೊಲೀಸರು ದೂರು ದಾಖಲಿಸಿದರು.

ಇದನ್ನೂ ಓದಿ:ಮಾನವ ಕಳ್ಳಸಾಗಣೆ ತಡೆಗೆ ವಿಶೇಷ ಕಣ್ಗಾವಲು ವ್ಯವಸ್ಥೆ ಜಾರಿ ಮಾಡಿ: ಎನ್‌ಎಚ್‌ಆರ್‌ಸಿ

ಎರ್ನಾಕುಳಂನ ಕೊಚ್ಚಿಯಲ್ಲಿ ಶುಕ್ರವಾರ ಘಟನೆ ನಡೆದಿದೆ. ನಾಯಿಯ ಕುತ್ತಿಗೆಗೆ ಹಗ್ಗವನ್ನು ಬಿಗಿದು ಕಾರಿನ ಹಿಂಬದಿಯ ಢಿಕ್ಕಿಗೆ ಕಟ್ಟಿ ಹಾಕಿ ರಸ್ತೆಯಲ್ಲಿ ಎಳೆದಾಡಲಾಗಿತ್ತು.

ಯೂಸುಫ್ ಎಂಬಾತನೇ ಈ ಹೇಯ ಕೃತ್ಯ ಎಸಗಿದ್ದಾನೆ. ಇದನ್ನು ಗಮನಸಿದ ಬೈಕ್ ಸವಾರ ಅಖಿಲ್ ಎಂಬಾತನು ವಿಡಿಯೊ ಸೆರೆ ಹಿಡಿದಿದ್ದಾನೆ.

ಸಾಕು ನಾಯಿಯ ದೇಹದಲ್ಲಿ ಗಾಯಗಳಾಗಿದ್ದು, ಪ್ರಾಥಮಿಕ ಚಿಕಿತ್ಸೆಯನ್ನು ಕೊಡಿಸಿ ಆರೈಕೆ ಮಾಡಲಾಗುತ್ತಿದೆ.

ಇದನ್ನೂ ಓದಿ:ದೆಹಲಿ ಪ್ರತಿಭಟನೆ: ಪೊಲೀಸ್, ರಕ್ಷಣಾಧಿಕಾರಿಗಳೊಂದಿಗೆ ಅಮಿತ್ ಶಾ ಮಾತುಕತೆ