ಸಿಲಿಂಡರ್ ಸ್ಫೋಟ:1 ಸಾವು, 8 ಜನರಿಗೆ ಗಾಯ

ಪುಣೆ: ಇಲ್ಲಿನ ಪಿಂಪ್ರಿ ಚಿಂಚವಾಡ್ ಪ್ರದೇಶದಲ್ಲಿ ಭಾನುವಾರ ಬೆಳಿಗ್ಗೆ ಎಲ್.ಪಿ.ಜಿ. ಸಿಲಿಂಡರ್ ಸಿಡಿದು ಒಬ್ಬರು ಸತ್ತಿದ್ದು, ಇತರೆ 8 ಮಂದಿ ಗಾಯಗೊಂಡಿದ್ದಾರೆ. ಪ್ರಾಥಮಿಕ ಮಾಹಿತಿ ಪ್ರಕಾರ, ಅನಿಲ ಸೋರಿಕೆ ಅವಘಡಕ್ಕೆ ಕಾರಣ.

ಸ್ಥಳಕ್ಕೆ ದಿಘಿ ಠಾಣೆ ಪೊಲೀಸರು ಧಾವಿಸಿದ್ದರು. ಸ್ಥಳದಲ್ಲಿಯೇ ಒಬ್ಬರು ಸತ್ತಿದ್ದು, ಗಾಯಾಳುಗಳನ್ನು ಸಮೀಪದ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.