ಒಡಿಶಾ ಸಿಎಂ ಹೆಸರಲ್ಲಿ ವಂಚನೆಗೆ ಯತ್ನ: ಬಂಧನ

ಗ್ಯಾಂಗ್ಟಕ್: ಒಡಿಶಾ ಮುಖ್ಯಮಂತ್ರಿ ಹೆಸರಿನಲ್ಲಿ ಸಿಕ್ಕಿಂನ ‘ಸ್ಟೇಟ್‌ ಕೋ–ಆಪರೇಟಿವ್‌ ಸಪ್ಲೈ ಆ್ಯಂಡ್ ಮಾರ್ಕೆಟಿಂಗ್‌ ಫೆಡರೇಷನ್ ಲಿಮಿಟೆಡ್‌’ (ಎಸ್‌ಐಎಂಎಫ್‌ಇಡಿ) ಮುಖ್ಯಸ್ಥರಿಗೆ ಕರೆ ಮಾಡಿ ಹಣಕ್ಕೆ ಬೇಡಿಕೆ ಇಟ್ಟಿದ್ದ ವ್ಯಕ್ತಿಯೊಬ್ಬನನ್ನು ಪೊಲೀಸರು ಭಾನುವಾರ ಬಂಧಿಸಿದ್ದಾರೆ.

ಪಶ್ಚಿಮ ಬಂಗಾಳ ನಿವಾಸಿ ಅಭಿಜಿತ್‌ ಮೋಂಡಲ್‌ನನ್ನು ಬಂಧಿಸಿ, ವಿಚಾರಣೆಗೆ ಒಳಪಡಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಆತ ತೆಂಜಿಂಗ್‌ ದೋರ್ಜಿ ಅವರಿಗೆ ಕರೆ ಮಾಡಿ ಹಣಕ್ಕೆ ಬೇಡಿಕೆ ಇಟ್ಟಿದ್ದ. ಆತನನ್ನು ಗ್ಯಾಂಗ್ಟಕ್‌ಗೆ ಬರುವಂತೆ ಹೇಳಿದ್ದ ಅವರು ಬಳಿಕ ಪೊಲೀಸರಿಗೆ ಮೌಖಿಕವಾಗಿ ದೂರು ನೀಡಿದ್ದರು. ಸ್ಥಳಕ್ಕೆ ಬಂದಿದ್ದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.