ಓದುವುದರ ಕಡೆ ನಿರ್ಲಕ್ಷ್ಯ: 10 ವರ್ಷದ ಪುತ್ರನಿಗೆ ಬೆಂಕಿ ಹಚ್ಚಿದ ತಂದೆ

ಹೈದರಾಬಾದ್‌: ಓದುವುದರ ಮೇಲೆ ಗಮನಹರಿಸಿದ 10 ವರ್ಷದ ತನ್ನ ಪುತ್ರನ ವಿರುದ್ಧ ಕೋಪಗೊಂಡ ವ್ಯಕ್ತಿಯೊಬ್ಬರು, ಬಾಲಕನ ಮೇಲೆ ಟರ್ಪಂಟೈನ್‌ ಎಣ್ಣೆ ಸುರಿದು ಬೆಂಕಿ ಹಚ್ಚಿದ ಘಟನೆ ನಡೆದಿದೆ.

‘ದೇಹದ ಶೇ 60 ಭಾಗ ಸುಟ್ಟುಹೋಗಿದ್ದು, ಬಾಲಕ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ’ ಎಂದು ಪೊಲೀಸರು ತಿಳಿಸಿದರು.

ಕುಕಟ್‌ಪಲ್ಲಿ ವಸತಿ ಮಂಡಳಿ ಪ್ರದೇಶದಲ್ಲಿ ಭಾನುವಾರ ರಾತ್ರಿ ಈ ಘಟನೆ ನಡೆದಿದ್ದು, ಕಾರ್ಮಿಕನಾಗಿ ದುಡಿಯುತ್ತಿರುವ ಬಾಲಕನ ತಂದೆ ತಲೆಮರೆಸಿಕೊಂಡಿದ್ದಾರೆ ಎಂದು ಪೊಲೀಸರು ಹೇಳಿದರು.