ಮಂಗಳಯಾನಕ್ಕೆ ಐದು ವರ್ಷ

ನವದೆಹಲಿ: ಕೇವಲ ಆರು ತಿಂಗಳಿಗೆ ರೂಪಿಸಿದ್ದ ಭಾರತದ ಮಂಗಳಯಾನ ಮಂಗಳವಾರ ಐದು ವರ್ಷ ಪೂರೈಸಿದೆ.

ಬಾಹ್ಯಾಕಾಶ ಕ್ಷೇತ್ರದಲ್ಲಿ ದೇಶದ ಕೀರ್ತಿಯನ್ನು ಉತ್ತುಂಗಕ್ಕೆ ಕೊಂಡೊ ಯ್ದಿದ್ದ ಮಂಗಳಯಾನ ನೌಕೆ (ಮಾಮ್), ಇನ್ನೂ ಕೆಲ ಕಾಲ ಮುಂದುವರಿಯಲಿದೆ.

‘ಮಂಗಳಯಾನ ಇನ್ನೂ ಕಾರ್ಯನಿರ್ವಹಿಸುತ್ತಿದೆ ಮತ್ತು ನಿರಂತರವಾಗಿ ಚಿತ್ರಗಳನ್ನು ಕಳುಹಿಸುತ್ತಿದೆ. ಹೀಗಾಗಿ, ಇನ್ನಷ್ಟು ದಿನಗಳ ಕಾಲ ಇರಲಿದೆ’ ಎಂದು ಇಸ್ರೊ ಅಧ್ಯಕ್ಷ ಕೆ.ಶಿವನ್ ‌ತಿಳಿಸಿದರು.

‘ಮಂಗಳಯಾನ 2 ಯೋಜನೆ ಬಗ್ಗೆಯೂ ಸಿದ್ಧತೆ ನಡೆಯುತ್ತಿದೆ. ಆದರೆ, ಈ ಬಗ್ಗೆ ಇನ್ನೂ ಸ್ಪಷ್ಟ ನಿರ್ಧಾರ ಕೈಗೊಂಡಿಲ್ಲ’ ಎಂದು ತಿಳಿಸಿದರು.

ಹಾಲಿವುಡ್‌ ಸಿನಿಮಾ ‘ಗ್ರ್ಯಾವಿಟಿ’ಗಿಂತಲೂ ಕಡಿಮೆ ವೆಚ್ಚದಲ್ಲಿ ಮಂಗಳ ಯಾನ ಯೋಜನೆ ಹಮ್ಮಿಕೊಳ್ಳಲಾಗಿತ್ತು.