ವಿಶ್ವಸುಂದರಿ ಸ್ಪರ್ಧೆ: ಮಿಸ್‌ ಇಂಡಿಯಾ ನಂದಿನಿಗೆ ಏಷ್ಯಾದ ಮೊದಲ ಹತ್ತರಲ್ಲಿ ಸ್ಥಾನ
ವಿಶ್ವಸುಂದರಿ ಗ್ರ್ಯಾಂಡ್‌ ಫಿನಾಲೆ ಮೇ 31ಕ್ಕೆ
Published 27 ಮೇ 2025, 16:09 IST
ನಂದಿನಿ ಗುಪ್ತಾ
ಪ್ರಜಾವಾಣಿ ವಾರ್ತೆ
ಹೈದರಾಬಾದ್‌: ಇದೇ 31ರ ಶನಿವಾರ ಸಂಜೆ ಆರಂಭಗೊಳ್ಳಲಿರುವ ವಿಶ್ವಸುಂದರಿ 2025 ಗ್ರ್ಯಾಂಡ್‌ ಫಿನಾಲೆಗೆ ನಗರದ ಇಂಟರ್‌ನ್ಯಾಷನಲ್‌ ಎಕ್ಸಿಬಿಷನ್ ಸೆಂಟರ್‌ ಸಜ್ಜುಗೊಂಡಿದೆ.
ಮಿಸ್‌ ಇಂಡಿಯಾ ನಂದಿನಿ ಗುಪ್ತಾ ಟಾಪ್‌ 40 ಕ್ವಾರ್ಟರ್‌ ಫೈನಲಿಸ್ಟ್‌ ಹಾಗೂ ಏಷ್ಯಾ ಪ್ರದೇಶದ ಮೊದಲ ಹತ್ತರಲ್ಲಿ ಒಬ್ಬರಾಗಿ ಸ್ಥಾನ ಪಡೆದಿರುವುದು ಗಮನಾರ್ಹ.
1996 ಹಾಗೂ 2024ರ ನಂತರ ಭಾರತವು ಮೂರನೇ ಬಾರಿಗೆ ಪ್ರತಿಷ್ಠಿತ ಸ್ಪರ್ಧೆಯ ಆತಿಥ್ಯ ವಹಿಸಿದೆ.
ನೂರಕ್ಕೂ ಹೆಚ್ಚು ದೇಶಗಳ ಸ್ಪರ್ಧಿಗಳು ಭಾಗವಹಿಸಿದ್ದು, ತಿಂಗಳಿನಿಂದಲೂ ಅನೇಕ ಸ್ಪರ್ಧೆಗಳಲ್ಲಿ ಭಾಗವಹಿಸಿ ತಮ್ಮ ಪ್ರತಿಭೆ, ಸಾಮರ್ಥ್ಯವನ್ನು ಅನಾವರಣಗೊಳಿಸಿದ್ದಾರೆ. ತೆಲಂಗಾಣದ ಪಾರಂಪರಿಕ ಹಾಗೂ ಐತಿಹಾಸಿಕ ಸ್ಥಳಗಳಿಗೂ ಭೇಟಿ ನೀಡಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.