ಖ್ಯಾತ ಬಂಗಾಳಿ ಸಾಹಿತಿ ಮಣಿಶಂಕರ್ ಮುಖ್ಯೋಪಾದ್ಯಾಯ ನಿಧನ

ಕೋಲ್ಕತ್ತ: ಖ್ಯಾತ ಬಂಗಾಳಿ ಸಾಹಿತಿ ಮಣಿಶಂಕರ್ ಮುಖ್ಯೋಪಾದ್ಯಾಯ ಅವರು ನಿಧನರಾಗಿದ್ದಾರೆ. ಅವರಿಗೆ 93 ವರ್ಷ ವಯಸ್ಸಾಗಿತ್ತು.

ದೀರ್ಘಕಾಲದ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರು ಕೋಲ್ಕತ್ತದ ಖಾಸಗಿ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು ಎಂದು ಮಣಿಶಂಕರ್ ಅವರ ಕುಟುಂಬದವರು ತಿಳಿಸಿದರು. ಇಬ್ಬರು ಪುತ್ರಿಯರನ್ನು ಅವರು ಅಗಲಿದ್ದಾರೆ.

ಶಂಕರ್ ಎಂದೇ ಪ್ರಸಿದ್ದರಾಗಿದ್ದ ಮಣಿಶಂಕರ್, ಪಶ್ಚಿಮ ಬಂಗಾಳದ ನಿವಾಸಿಭಾಷೆಯ ಪ್ರಮುಖ ಸಾಹಿತಿ ಎಂದು ಗುರುತಿಸಿಕೊಂಡಿದ್ದರು.

ಶಂಕರ್ ಅವರು ರಚಿಸಿದ್ದ ‘ಚೌರಿಂಗಿ’ ಎಂಬ ಕಾದಂಬರಿಯು ಭಾರತೀಯ ನಗರ ಜೀವನದ ಸಾಮಾಜಿಕ ಪರಿಸ್ಥಿತಿಗಳನ್ನು ಪರಿಣಾಮಕಾರಿಯಾಗಿ ಕಟ್ಟಿಕೊಟ್ಟಿತ್ತು. ಅವರ ನಿಧನಕ್ಕೆ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಸೇರಿದಂತೆ ಅನೇಕರು ಸಂತಾಪ ಸೂಚಿಸಿದ್ದಾರೆ.