ಉದಕಮಂಡಲ: ಪೊಂಗಲ್‌ ಖಾದ್ಯ ತಯಾರಿಸಿದ ರಾಹುಲ್‌ ಗಾಂಧಿ

ಉದಕಮಂಡಲ (ತಮಿಳುನಾಡು): ಗುಡಲೂರಿನ ಸೇಂಟ್‌ ಥಾಮಸ್‌ ಇಂಗ್ಲಿಷ್‌ ಪ್ರೌಢಶಾಲೆಯ ಸುವರ್ಣ ಮಹೋತ್ಸವ ಸಮಾರಂಭ ಹಾಗೂ ಸುಗ್ಗಿ ಹಬ್ಬ ‘ಪೊಂಗಲ್‌’ ಆಚರಣೆಯಲ್ಲಿ ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ಮಂಗಳವಾರ ಭಾಗವಹಿಸಿ ಸಂಭ್ರಮಿಸಿದರು.

ಶಾಲೆಗೆ ಬಂದ ರಾಹುಲ್‌ ಅವರಿಗೆ ಆತ್ಮೀಯ ಸ್ವಾಗತ ಕೋರಲಾಯಿತು. ಅವರು ಸಾಂಪ್ರದಾಯಿಕ ನೃತ್ಯವನ್ನೂ ಮಾಡಿದರು. ‘ಪೊಂಗಲ್’ ಆಚರಣೆಯಲ್ಲಿ ಪಾಲ್ಗೊಂಡು ಜನರ ಜತೆಗೂಡಿ ‘ಪೊಂಗಲ್’ ಸಿಹಿ ಖಾದ್ಯವನ್ನು ತಯಾರಿಸಿದರು.