ಗಲಭೆ: 200 ಜನರ ವಿರುದ್ಧ ಪ್ರಕರಣ

ನೂಮುಚ್‌ (ಪಿಟಿಐ): ಮಧ್ಯಪ್ರದೇಶದ ಖರ್ಗೋನ್‌ ಮತ್ತು ಬಡ್ವಾನಿ ಜಿಲ್ಲೆಗಳಲ್ಲಿ ಏಪ್ರಿಲ್‌ 10ರಂದು ನಡೆದಿದ್ದ ಹಿಂಸಾ ಚಾರ ಪ್ರಕರಣದ ಬಳಿಕ ನಡೆದಿದ್ದ ಪ್ರತಿಭಟನೆಗೆ ಸಂಬಂಧಿಸಿದಂತೆ 200 ಜನರ ವಿರುದ್ಧ ಮೊಕದ್ದಮೆ ದಾಖಲಿಸಲಾಗಿದೆ. ಅವರಲ್ಲಿ ಮುಸ್ಲಿಂ ಇಂತೆಝಾಮಿಯಾ ಸಮಿತಿಗೆ ಸೇರಿದ 11 ಪದಾಧಿಕಾರಿಗಳು ಸೇರಿದ್ದಾರೆ ಎಂದು ಪೊಲೀಸರು ಭಾನುವಾರ ತಿಳಿಸಿದ್ದಾರೆ.

ರಾಮನವಮಿ ವೇಳೆ ಕೋಮು ಗಲಭೆ ನಡೆದಿತ್ತು. ಈ ಪ್ರಕರಣದ ಕುರಿತು ಪೊಲೀಸರು ಕ್ರಮ ಕೈಗೊಂಡಿದ್ದರು. ಪೊಲೀಸರ ಕ್ರಮವನ್ನು ವಿರೋಧಿಸಿ ದೊಡ್ಡ ಗುಂಪೊಂದು ಅನುಮತಿ ಪಡೆಯದೇ ಎಸ್‌ಪಿ ಕಚೇರಿವರೆಗೆ ಪ್ರತಿಭಟನಾ ಮೆರವಣಿಗೆ ನಡೆಸಿತ್ತು. ಎಂದು ಪೊಲೀಸ್‌ ಅಧಿಕಾರಿ ತಿಳಿಸಿದ್ದಾರೆ.