ಛತ್ತೀಸಗಢ: ಐಎಸ್‌ಐ ಬೆಂಬಲಿತ ಉಗ್ರನ ಸಹಚರರ ಸೆರೆ

ಚಂಡೀಗಢ (ಪಿಟಿಐ): ‘ಪಾಕಿಸ್ತಾನ ಮೂಲದ, ಐಎಸ್‌ಐ ಬೆಂಬಲಿತ ಭಯೋತ್ಪಾದಕ ಹರ್ವಿಂದರ್‌ ಸಿಂಗ್‌ ರಿಂದಾ ಎಂಬಾತನ ಆರು ಸಹಚರರನ್ನು ಬಂಧಿಸಲಾಗಿದೆ’ ಎಂದು ಪೊಲೀಸರು ಗುರುವಾರ ಹೇಳಿದ್ದಾರೆ.

‘ಪಂಜಾಬ್‌ನಲ್ಲಿ ಆಘಾತಕಾರಿ ಅಪರಾಧಗಳನ್ನು ಎಸಗಲು ಯೋಜನೆ ರೂಪಿಸಿದ್ದ ಇವರೆಲ್ಲರನ್ನೂ ಮೊಹಾಲಿ ಪೊಲೀಸ್‌ನ ಪಾತಕಿ ನಿಗ್ರಹ ಕಾರ್ಯಪಡೆಯು ಬಂಧಿಸಿದೆ’ ಎಂದು ಡಿಜಿಪಿ ಗೌರವ್‌ ಯಾದವ್‌ ಅವರು ‘ಎಕ್ಸ್‌’ನಲ್ಲಿ ಪೋಸ್ಟ್‌ ಮಾಡಿದ್ದಾರೆ.

‘ಬಂಧಿತರಿಂದ ಶಸ್ತ್ರಾಸ್ತ್ರ ಮತ್ತು ಮದ್ದುಗುಂಡುಗಳನ್ನು ವಶಪಡಿಸಿಕೊಳ್ಳಲಾಗಿದೆ’ ಎಂದೂ ಅವರು ಹೇಳಿದ್ದಾರೆ.