ಪರಿಷತ್ತಿಗೆ ನೇಮಕ: ಅಲಿಗಢ ಮುಸ್ಲಿಂ ವಿ.ವಿ ಕುಲಪತಿ ರಾಜೀನಾಮೆ

ಅಲಿಗಢ/ಲಖನೌ: ಉತ್ತರ ಪ್ರದೇಶದ ವಿಧಾನ ಪರಿಷತ್ತಿಗೆ ನೇಮಕಗೊಂಡಿರುವ ಅಲಿಗಢ ಮುಸ್ಲಿಂ ವಿಶ್ವವಿದ್ಯಾಲಯದ (ಎಎಂಯು) ಕುಲಪತಿ ತಾರಿಕ್‌ ಮನ್ಸೂರ್‌ ಅವರು ತಮ್ಮ ಸ್ಥಾನಕ್ಕೆ ಮಂಗಳವಾರ ರಾಜೀನಾಮೆ ನೀಡಿದ್ದಾರೆ.

ಖಾಲಿ ಇದ್ದ ಎಂಟು ಪರಿಷತ್‌ ಸ್ಥಾನಗಳಿಗೆ ರಾಜ್ಯಪಾಲರು ಆರು ಮಂದಿಯನ್ನು ನೇಮಕ ಮಾಡಿದ್ದಾರೆ. ಅವರಲ್ಲಿ ತಾರಿಕ್‌ ಕೂಡ ಒಬ್ಬರು. 100 ಸದಸ್ಯ ಬಲದ ವಿಧಾನ ಪರಿಷತ್ತಿನಲ್ಲಿ ತಾರಿಕ್‌ ಅವರು ಬಿಜೆಪಿಯ ನಾಲ್ಕನೇ ಮುಸ್ಲಿಂ ಸದಸ್ಯರಾಗಿದ್ದಾರೆ.