ಬಿಜೆಪಿಯೇ ಪ್ರತಿಮೆಯಾಗಲಿದೆ; ಮಮತಾ ಬ್ಯಾನರ್ಜಿ ಭವಿಷ್ಯ

ಕೋಲ್ಕತ್ತ: ಸ್ಮಾರಕ, ಪ್ರತಿಮೆಗಳ ರಾಜಕಾರಣ ಮಾಡುತ್ತಿರುವ ಬಿಜೆಪಿಯು ಲೋಕಸಭಾ ಚುನಾವಣೆ ನಂತರ ಅದೇ ಒಂದು ಪ್ರತಿಮೆಯಾಗಲಿದೆ ಎಂದು ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಭವಿಷ್ಯ ನುಡಿದಿದ್ದಾರೆ.

ಬಿಜೆಪಿ ‘ಗೇಮ್‌ ಚೇಂಜರ್‌’ ಅಲ್ಲ, ‘ನೇಮ್‌ ಚೇಂಜರ್‌’ ರಾಜಕೀಯ ಪಕ್ಷ ಎಂದು ಅವರು ಲೇವಡಿ ಮಾಡಿದ್ದಾರೆ.

ಎನ್‌ಡಿಎ ಸರ್ಕಾರವು ಸಿಬಿಐ ಮತ್ತು ಆರ್‌ಬಿಐನಂತಹ ಸಾಂವಿಧಾನಿಕ ಸಂಸ್ಥೆಗಳನ್ನು ನಾಶ ಮಾಡುತ್ತಿದೆ ಎಂದು ಆರೋಪಿಸಿದರು.